Kasaragodu: ಆಸ್ತಿ ವಿವಾದ: ಅಣ್ಣನ ಕೊಲೆ, ಇಬ್ಬರಿಗೆ ಇರಿತ; ತಮ್ಮನ ಸೆರೆ

ಕಾಸರಗೋಡು: ಆಸ್ತಿ ವಿವಾದದ ಹಿನ್ನೆಲೆಯಲ್ಲಿ ಅಣ್ಣನನ್ನು ಕೊಲೆಗೈದು, ಇಬ್ಬರಿಗೆ ಇರಿದು ಗಾಯಗೊಳಿಸಿದ ಘಟನೆ ನಡೆದಿದ್ದು, ಈ ಸಂಬಂಧ ತಮ್ಮನನ್ನು ಪೊಲೀಸರು ಸೆರೆ ಹಿಡಿದಿದ್ದಾರೆ.

ಚೆಮ್ನಾಡು ಮಾವಿಲ ರೋಡ್‌ ತೆರವಳಪ್ಪಿಲ್‌ ಎ. ಚಂದ್ರನ್‌ ನಾಯರ್‌ (52) ಅವರನ್ನು ಕೊಲೆಗೈದು, ತಡೆಯಲು ಬಂದ ಪೆರವಳಪ್ಪಿಲ್‌ ಮಣಿಕಂಠನ್‌ (48) ಮತ್ತು ಗೋಪಿನಾಥನ್‌(48) ಅವರಿಗೆ ಇರಿದು ಗಾಯಗೊಳಿಸಿದ ಘಟನೆ ನಡೆದಿದ್ದು, ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ನ. 11ರಂದು ರಾತ್ರಿ ಕೂಲಿ ಕಾರ್ಮಿಕರಾಗಿರುವ ಚಂದ್ರನ್‌ ಕೆಲಸ ಮುಗಿಸಿ ರಾತ್ರಿ ಮನೆಗೆ ಬಂದಿದ್ದರು. ಆ ಸಂದರ್ಭದಲ್ಲಿ ಆಸ್ತಿ ಹೆಸರಿನಲ್ಲಿ ತಮ್ಮ ಎ. ಗಂಗಾಧರನ್‌ ನಾಯರ್‌ (48) ಮಧ್ಯೆ ಪರಸ್ಪರ ವಾಗ್ವಾದ ಉಂಟಾಯಿತು. ಈ ವೇಳೆ ಗಂಗಾಧರನ್‌ ಚಾಕುವಿನಿಂದ ಚಂದ್ರನ್‌ ನಾಯರ್‌ ಅವರ ಎದೆಗೆ ಇರಿದಿದ್ದ. ಆರೋಪಿ ಗಂಗಾಧರನ್‌ ನಾಯರ್‌ನನ್ನು ನೆರೆಮನೆಯವರು ಸೆರೆ ಹಿಡಿದು ಪೊಲೀಸರಿಗೊಪ್ಪಿಸಿದ್ದಾರೆ.