Mother: ಅಮ್ಮನ ಜೀವನವೇ ಆದರ್ಶ

ಜೀ ವನದಲ್ಲಿ ಎಷ್ಟೋ ರೀತಿಯ ದುಃಖಗಳನ್ನು ಸಹಿಸಿಕೊಂಡು ಬಂದವಳು ನನ್ನಮ್ಮ. ಎಷ್ಟೇ ಕಷ್ಟವಿದ್ದರೂ ಯಾರ ಬಳಿಯೂ ಹೇಳಿಕೊಳ್ಳದೆ, ಯಾರಿಗೂ ಗೊತ್ತಾಗದಂತೆ ಓಡಾಡುವವಳು ನನ್ನಮ್ಮ.

ತನ್ನ ಮಕ್ಕಳನ್ನು ಎಲ್ಲರಂತೆಯೇ, ಯಾವುದಕ್ಕೂ ಕಡಿಮೆಯಾಗದಂತೆ ಸಾಕಿದವಳು ನನ್ನಮ್ಮ. ತನ್ನ ಗಂಡ ಎಷ್ಟೇ ಬೇಜಾಬ್ದಾರಿ ತೋರಿಸಿದರೂ, ತಾನೇ ತಂದೆಯ ಪಾತ್ರವನ್ನು ನಿಭಾಯಿಸುತ್ತಾ ಬಂದವಳು ಅಮ್ಮ. ಯಾರೇ ಏನೇ ಅಂದರೂ, ಎಷ್ಟೇ ಅವಮಾನ ಮಾಡಿದರೂ ಅದನ್ನು ಲೆಕ್ಕಿಸದೆ ತನ್ನವರಿಗೋಸ್ಕರ ದುಡಿಯುವವಳು ನನ್ನಮ್ಮ ತನಗೆ ಹೊಟ್ಟೆ ಹಸಿದಿದ್ದರೂ, ಮಕ್ಕಳಿಗೋಸ್ಕರ ಏನಾದರೂ ಕಟ್ಟಿ ತರುವವಳು ನನ್ನಮ್ಮ.

ಜೀವದಲ್ಲಿ ಯಾವ ಸವಾಲು ಬಂದರೂ, ಅದನ್ನು ಹೇಗೆ ಎದುರಿಸಬೇಕೆಂದು ಹೇಳಿಕೊಟ್ಟವಳು ಅಮ್ಮ. ನನ್ನ ಜೀವನದಲ್ಲಿ ನಾನಿಡುವ ಪ್ರತಿ ಹೆಜ್ಜೆಗೂ ನನ್ನ ಅಮ್ಮನಜೀವನವೇಆದರ್ಶ  ಹರ್ಷಿತಾ ಕುಲಾಲ್‌ ಮಂಗಳೂರು