ನಾನು ಹಿಂದು ಉಗ್ರವಾದ ಅಂದಿಲ್ಲ,ಸಂಘ ಉಗ್ರವಾದ ಅಂದಿದ್ದು: ದಿಗ್ವಿಜಯ್

ಭೂಪಾಲ್‌ : ನಾನು ಹೇಳಿದ್ದು ಸಂಘ ಉಗ್ರವಾದದ ಕುರಿತೇ ಹೊರತು, ಹಿಂದು ಉಗ್ರವಾದ ಇದೆ ಎಂದು ಹೇಳಿಲ್ಲ ಎಂದು ಕಾಂಗ್ರೆಸ್‌ ಪ್ರಧಾನ ಕಾರ್ಯದರ್ಶಿ ದಿಗ್ವಿಜಯ್‌ ಸಿಂಗ್‌ ಅವರು ಸ್ಪಷ್ಟನೆ ನೀಡಿದ್ದಾರೆ. 

‘ನಿಮಗೆ ತಪ್ಪು ಮಾಹಿತಿ ನೀಡಲಾಗಿದೆ. ಧರ್ಮದ ಆಧಾರದಲ್ಲಿ ಯಾವುದೇ ಉಗ್ರವಾದವನ್ನು ಬೆಂಬಲಿಸುವುದಿಲ್ಲ. ಯಾವುದೇ ಧರ್ಮ ಉಗ್ರವಾದದ ಪರ ಇಲ್ಲ’ ಎಂದರು. 

ಆರ್‌ಎಸ್‌ಎಸ್‌ ವಿರುದ್ಧ ವಾಗ್ಧಾಳಿ ನಡೆಸಿ ‘ಸಂಘ ಪರಿವಾರ ಹಲವು ಬಾಂಬ್‌ ಸ್ಫೋಟ ಕೃತ್ಯಗಳನ್ನು ಎಸಗಿದೆ .ಮಾಲೆಗಾಂ ಸ್ಫೋಟ, ಮೆಕ್ಕಾ ಮಸೀದಿ ಬ್ಲಾಸ್ಟ್‌, ಸಂಜೋತಾ ಎಕ್ಸ್‌ಪ್ರೆಸ್‌ ಸ್ಫೋಟದಲ್ಲಿ ಭಾಗಿಯಾಗಿ ಹಿಂಸೆ ಮತ್ತು ದ್ವೇಷವನ್ನು ಪ್ರಚೋದಿಸುತ್ತಿದೆ’ ಎಂದರು.