ಹುಣಸೂರು: ಸಿಡಿಮದ್ದು ಸಿಡಿದು ಎತ್ತಿನ ಮುಖಕ್ಕೆ ತೀವ್ರ ಗಾಯ

ಹುಣಸೂರು: ಪ್ರಾಣಿಗಳ ಭೇಟೆಗೆ ಇಟ್ಟಿದ್ದ ಸಿಡಿಮದ್ದು ಸಿಡಿದು ಎತ್ತಿನ ಬಾಯಿ ತೀವ್ರ ಗಾಯಗೊಂಡಿರುವ ಘಟನೆ ತಾಲೂಕಿನ ಹಿಂಡಗುಡ್ಲುವಿನಲ್ಲಿ ನಡೆದಿದೆ.

ತಾಲೂಕಿನ ಹನಗೋಡು ಹೋಬಳಿಯ ಹಿಂಡಗುಡ್ಲು ಗ್ರಾಮದ ಪ್ರಕಾಶರಿಗೆ ಸೇರಿದ ಎತ್ತಿನ ಮುಖಕ್ಕೆ ತೀವ್ರಗಾಯವಾಗಿದ್ದು, ಸಾವು ಬದುಕಿನಲ್ಲಿ ಹೋರಾಟ ನಡೆಸುತ್ತಿದೆ. ಚಿಕಿತ್ಸೆ ಕೊಡಿಸಲಾಗುತ್ತಿದೆ.

ಕಿಡಿಗೇಡಿಗಳು ಹಂದಿ ಮತ್ತಿತರ ಕಾಡು ಪ್ರಾಣಿಗಳನ್ನು ಭೇಟೆಯಾಡಲು ಕಾಡಂಚಿನ ಜಮೀನುಗಳಲ್ಲಿ ಸಿಡಿಮದ್ದು ಇಡುತ್ತಾರೆ. ಈ ಎತ್ತಿಗೆ ತಿಳಿಯದೆ ಬಾಯಿ ಹಾಕಿ ಕಚ್ಚಿದ ತಕ್ಷಣ ಸಿಡಿದ ಪರಿಣಾಮ ಎತ್ತಿನ ಬಾಯಿಗೆ ತೀವ್ರಗಾಯವಾಗಿದೆ.