Hunsur: ಹುತಾತ್ಮ ಧಿವಿನ್ ಅಂತಿಮ ದರ್ಶನ ಪಡೆದ ಗ್ರಾಮಸ್ಥರು

ಹುಣಸೂರು: ಕೊಡಗಿನ ವೀರ ಯೋಧ ಧಿವಿನ್ ಅವರ ಪಾರ್ಥಿವ ಶರೀರಕ್ಕೆ ಅಂತಿಮ ಗೌರವ ನಮನ ಸಲ್ಲಿಸಲು ಮೈಸೂರು- ಮಡಿಕೇರಿ ರಸ್ತೆಯ ಹುಣಸೂರು ಬೈಪಾಸ್ ನ ಎಪಿಎಂಸಿ ಬಳಿ ಡಿ.31ರ ಮಂಗಳವಾರ ರಾತ್ರಿ ದೇಶ ಪ್ರೇಮಿಗಳು ಕಾಯುತ್ತಿದ್ದರು.

ಆಂಬ್ಯುಲೆನ್ಸ್  ನಲ್ಲಿ ಬಂದ ಪಾರ್ಥಿವ ಶರೀರಕ್ಕೆ ಅಂತಿಮ ನಮನ ಸಲ್ಲಿಸಿ, ಭಾರತ್ ಮಾತಾಕಿ ಜೈ, ವೀರ ಯೋಧನಿಗೆ ಜೈ ಎಂದು ಭಾರತ ಮಾತೆಯ ಹೆಮ್ಮೆಯ ಪುತ್ರನಿಗೆ ಜೈಕಾರ ಮೊಳಗಿಸಿದರು.

ಕೊಡಗಿನ ಕಡೆ ಹೊರಟಿರುವ ಮೃತ ವೀರ ಯೋಧನ ಪಾರ್ಥಿವ ಶರೀರಕ್ಕೆ ಮಾರ್ಗ ಮಧ್ಯೆ ಪುಷ್ಪಾರ್ಚನೆ ಗೈದು ಅಂತಿಮ ನಮನ ಸಲ್ಲಿಸಿದರು.

ಈ ವೇಳೆ ನಗರದಲ್ಲಿ ವಾಸವಾಗಿರುವ ಕೊಡವ ಸಮಾಜದ ಡಾ. ಮಂಜುಳ ಮಂಜುನಾಥ ಸೇರಿದಂತೆ ಹಲವಾರು ನಿವೃತ್ತ ಸೈನಿಕರು, ಮಕ್ಕಳು, ತಾಲೂಕಿನ ಮರದೂರಿನ ಲಾಸಲೆಟ್ ವಿದ್ಯಾ ಸಂಸ್ಥೆಯ ಪ್ರಾಚಾರ್ಯ ರವಿದೀಪಕ್, ನಗರ ಠಾಣೆ ಎಸ್.ಐ. ಜಮೀರ್ ಅಹಮದ್, ಎಎಸ್ ಐ. ರಮೇಶ್, ಕೆ.ಎಸ್.ಆರ್.ಪಿ. ತಂಡ ಸಹ ಮೃತ ಯೋಧನಿಗೆ ಅಂತಿಮ ನಮನ ಸಲ್ಲಿಸಿದರು.