ಹುಣಸೂರು : ಮಳೆಗೆ ಗಾವಡಗೆರೆ ಹೋಬಳಿಯಲ್ಲೂ ಮನೆ ಹಾನಿ

ಹುಣಸೂರು : ಗಾವಡಗೆರೆ ಹೋಬಳಿಯ ವಿವಿಧ ಗ್ರಾಮಗಳಲ್ಲಿ ಇತ್ತೀಚೆಗೆ ಸುರಿಯುತ್ತಿರುವ ಮಳೆಗೆ ೫ಕ್ಕೂ ಹೆಚ್ಚು ಮನೆಗಳಿಗೆ ಹಾನಿಯಾಗಿದೆ.

ಗಾವಡಗೆರೆ ಹೋಬಳಿಯಲ್ಲಿ ಕಳೆದ ಹದಿನೈದು ದಿನಗಳಿಂದ ಸುರಿಯುತ್ತಿರುವ ಭಾರಿ ಮಳೆಗೆ ಮುಳ್ಳೂರು ಗ್ರಾಮದ ಸುಂದರಮ್ಮ ಮತ್ತು ದಶರಥ ಹಾಗೂ ಹರವೆ ಕಲ್ಲಹಳ್ಳಿ ಗ್ರಾಮದ ಸಾವಿತ್ರಮ್ಮ ಮತ್ತು ಲಕ್ಷ್ಮಮ್ಮ ಮಂಚಬಾಯನಹಳ್ಳಿ ಗ್ರಾಮದ ಲಕ್ಷ್ಮಮ್ಮ ಎಂಬುವವರ ಮನೆಗಳ ಮೇಲ್ಚಾವಣಿ ಮತ್ತು ಗೋಡೆಗಳು ಕುಸಿದು ಬಿದ್ದು,ಮನೆಯೊಳಗಿದ್ದ ದನಸಿ ಪದಾರ್ಥಗಳು, ಬಟ್ಟೆ ಸೇರಿದಂತೆ ಮನೆಯ ಪದಾರ್ಥಗಳು ಹಾಳಾಗಿದ್ದು ಅಪಾರ ನಷ್ಟವಾಗಿದೆ. ಇದರಿಂದ ಮನೆಯ ಮಾಲೀಕರು ವಾಸಿಸಲು ಮನೆಯಿಲ್ಲದೆ ಪರದಾಡುವಂತಾಗಿದೆ. ಜಾನುವಾರುಗಳನ್ನು ಕಟ್ಟಿ ಹಾಕಲು ಜಾಗವಿಲ್ಲದೆ ಮಳೆಯಲ್ಲಿಯೇ ವಾಸಿಸಬೇಕಾದ ಅನಿವಾರ್ಯತೆ ಎದುರಾಗಿದೆ.

ಕಂದಾಯ ಅಧಿಕಾರಿಗಳ ಭೇಟಿ : ವಿಷಯ ತಿಳಿದ ಕಂದಾಯ ಇಲಾಖೆಯ ಅಧಿಕಾರಿಗಳು ಗ್ರಾಮಗಳಿಗೆ ಭೇಟಿ ನೀಡಿ ಮನೆ ಮಾಲೀಕರು ಗಳಿಂದ ಮಾಹಿತಿ ಪಡೆದು ಮನೆ ದಾಖಲಾತಿ ಪಡೆದು ಸೂಕ್ತ ಪರಿಹಾರಕ್ಕಾಗಿ ಮೇಲಾಧಿಕಾರಿಗಳಿಗೆ ಕಳುಹಿಸಿಕೊಡಲಾಗುವುದು ಭರವಸೆ ಇತ್ತರು.