ಹುನಗುಂದ : ಗಾಳಿ ಸಹಿತ ಧಾರಾಕಾರ ಮಳೆಗೆ ತಂಪಾಯ್ತು ಇಳೆ

ಹುನಗುಂದ : ಪಟ್ಟಣದಲ್ಲಿ ಬಿರುಗಾಳಿ ಗುಡುಗು ಸಿಡಿಲು ಸಹಿತ ಗುರವಾರ ಸಂಜೆ ಅರ್ಧ ಗಂಟೆಗೂ ಅಧಿಕ ಕಾಲ ಧಾರಾಕಾರವಾಗಿ ಮಳೆ ಸುರಿಯುವ ಮೂಲಕ ಸುಡುವ ಇಳೆಗೆ ಮಳೆ ತಂಪನ್ನೆರೆದಿದೆ.

ಸಂಜೆ 4 ಗಂಟೆಯ ಹೊತ್ತಿಗೆ ಬಿರುಗಾಳಿ ಬಿಸಲು ಆರಂಭವಾಗುತ್ತಿದ್ದಂತೆ ಅದರ ಜೊತೆ ಭಾರಿ ಮಳೆಯು ಸುರಿಯಲು ಆರಂಭವಾಗಿದೆ. ಕಳೆದ ಎರಡು ತಿಂಗಳಿಂದ ಭಯಂಕರ ಬಿಸಿಲಿನ ಧಗೆಯಿಂದ ಬೇಸತ್ತಿದ್ದ ಪಟ್ಟಣದ ಜನತೆಗೆ ಗುರುವಾರ ಸಂಜೆ ಸುರಿದ ಮಳೆಯ ಸಿಂಚನ ಬಿಸಿಲಿನ ಧಗೆಯನ್ನು ಸ್ವಲ್ಪ ಮಟ್ಟಿಗೆ ಕಡಿಮೆ ಮಾಡಿದೆ.

ಭಾರಿ ಗಾಳಿಗೆ ಬಸ್ ನಿಲ್ದಾಣದ ಹತ್ತಿರ ಅಯೋಧ್ಯ ಹೋಟೆಲ್ ಮುಂದೆ ಇರುವ ನೀಲಗಿರಿ ಮರದ ಕೊಂಬೆಯೊಂದು ಧರೆಗೆ ಉರಳಿದ್ದು.ಅದರ ಕೆಳಗೆ ಹಣ್ಣಿನ ವ್ಯಾಪಾರ ಮಾಡುತ್ತಿದ್ದ ಮಹಿಳೆ ಅದೃಷ್ಟವಶಾತ್ ಪ್ರಾಣಾಯಪಾಯದಿಂದ ಪಾರಾಗಿದ್ದಾರೆ. ತಾಲೂಕಿನ ರಾಮವಾಡಗಿ, ಅಮರಾವತಿ, ನಾಗೂರ, ಬಿಂಜವಾಡಗಿ, ಘಟ್ಟಿಗನೂರ, ಹಿರೇಬಾದವಾಡಗಿ, ವೀರಾಪೂರ,ತಿಮ್ಮಾಪೂರ ಸೇರಿದಂತೆ ತಾಲೂಕಿನ ಎಲ್ಲ ಕಡೆಗೆ ಮಳೆ ಸುರಿದಿದೆ.

ಇದನ್ನೂ ಓದಿ :  ಅಚಲವಾದ ಶ್ರದ್ದೆಯಿಂದ ದೇವರ ಅನುಗ್ರಹ ಪ್ರಾಪ್ತಿ: ಶ್ರೀ ಸ್ವಯಂ ಪ್ರಕಾಶ ಸಚ್ಚಿದಾನಂದ ಸರಸ್ವತಿ