ಮೊದಲ ಏರಿಯಲ್‌ ಆ್ಯಕ್ಷನ್‌ ಚಿತ್ರ “ಫೈಟರ್‌”

ನವದೆಹಲಿ: ಬಾಲಿವುಡ್‌ ನಟ ಹೃತಿಕ್‌ ರೋಷನ್‌ ಹಾಗೂ ದೀಪಿಕಾ ಪಡುಕೋಣೆ ತಾರಾಗಣದ ಹಿಂದಿ ಚಿತ್ರ “ಫೈಟರ್‌’, ಭಾರತದ ಮೊಟ್ಟಮೊದಲ ಏರಿಯಲ್‌ ಫೈಟರ್‌ ಚಿತ್ರವಾಗಿರಲಿದೆ ಎಂದು ಚಿತ್ರದ ನಿರ್ದೇಶಕ ಸಿದ್ದಾರ್ಥ್ ಆನಂದ್‌ ತಿಳಿಸಿದ್ದಾರೆ.

ಸಿದ್ದಾರ್ಥ್ ಆನಂದ್‌ ಹಾಗೂ ಹೃತಿಕ್‌ ಕಾಂಬಿನೇಷನ್‌ನಲ್ಲಿ ಈ ಹಿಂದೆ, “ವಾರ್‌’ ಎಂಬ ಚಿತ್ರ ತೆರೆಕಂಡಿತ್ತು. ಮುಂಬರಲಿರುವ ಫೈಟರ್‌ ಚಿತ್ರದಲ್ಲಿ ಪಕ್ಕಾ ಆ್ಯಕ್ಷನ್‌ ಚಿತ್ರವಾಗಿರಲಿದ್ದು, ಇಡೀ ಚಿತ್ರದಲ್ಲಿ ಹೆಚ್ಚು ಸಾಹಸಮಯ ಸನ್ನಿವೇಶಗಳು ಇರಲಿದ್ದು, ಭಾರತೀಯ ಚಿತ್ರವಾದರೂ ಇದನ್ನು ಜಾಗತಿಕ ಚಿತ್ರವಾಗಿಸಲು ಪ್ರಯತ್ನಿಸುತ್ತೇವೆ ಎಂದು ಅವರು ತಿಳಿಸಿದ್ದಾರೆ.