ಅಂತೂ ಇಂತೂ ನಾಮ ಪತ್ರ ಸಲ್ಲಿಕೆ ಪ್ರಾರಂಭವಾಯ್ತು

ನಂಜನಗೂಡು: ಇಲ್ಲಿನ ಉಪ ಚುನಾವಣೆಗೆ ನಾಮಪತ್ರ ಸಲ್ಲಿಸಬೇಕಾದ ನಾಲ್ಕನೇ ದಿನವಾದ ಶುಕ್ರವಾರ ಮೂರು ನಾಮಪತ್ರ ಸಲ್ಲಿಕೆಯೊಡನೆ ಇಲ್ಲಿನ ಚುನಾವಣಾ ಕಾವು ಏರತೊಡಗಿದೆ. ಮಂಗಳವಾರದಿಂದಲೇ ನಾಮಪತ್ರ ಸ್ವಿಕರಿಸಲು ಕಾದು ಕುಳಿತಿದ್ದ ಚುನಾವಣಾಧಿಕಾರಿ ಜಿ. ಜಗದೀಶರ ಪಾಲಿಗೆ ಇಂದು ನಾಮಪತ್ರಸ್ವಕರಿಸುವ ಶುಭಗಳಿಗೆ ಕೂಡಿ ಬಂದಿದೆ.

6 ನಾಮಪತ್ರ ಸಲ್ಲಿಸುವುದಾಗಿ ಹೇಳಿ ಈವರಿಗೆ 13 ಅರ್ಜಿ ವಿತರಣೆಯಾಗಿದ್ದು ಇಂದು ನಾಮಪತ್ರಸಲ್ಲಿಸಿದವರೆಲ್ಲರೂ ಪಕೇತರರಾಗಿಯೇ ಸಲ್ಲಿಸಿರುವದು ಕುತೂಹಲ ಮೂಡಿಸಿದೆ. ಚಾಮರಾಜ ನಗರ ಜಿಲ್ಲೆಯ ಹನೂರಿನ ಯುವಕ ಪ್ರದೀಪ ಕುಮಾರ ಈ ಉಪ ಚುನಾವಣೆಯ ಪ್ರಥಮರಾಗಿ ನಾಮಪತ್ರ ಸಲ್ಲಿಸಿದರೇ ಪಟ್ಟಣದ ಅಶೋಕಪುರಂ ನಿವಾಸಿ ಕಳೆದ ಲೋಕಸಭಾ ಚುನಾವಣೆಯಲ್ಲಿ 19000 ಮತ ಪಡೆದು ಕಣದಲ್ಲಿದ್ದ ಸುಬ್ಬಯ್ಯ ದ್ವಿತೀಯರಾಗಿ ಉಮೇದುವಾರಿಕೆ ಪತ್ರ ಸಲ್ಲಿಸಿದರು.

ಹಿರಿಯ ಧಿಮಂತ ರಾಜಕಾರಣಿ,  ದೇವರಸನಹಳ್ಳಿಯ ಮಲ್ಲಣ್ಣ ಈ ಬಾರಿ ಮತ್ತೆ ಪಕ್ಷೇತರರಾಗಿ ನಾಮಪತ್ರ ಸಲ್ಲಿಸಿದ್ದೂ ಎಲ್ಲರ ಕುತೂಹಲಕ್ಕೆ ಕಾರಣವಾಗಿದೆ. ಪ್ರಮುಖ ಪಕ್ಷಗಳಾದ ಕಾಂಗ್ರೆಸ್‌ ಹಾಗೂ ಬಿಜೆಪಿ ಉಮೇದುದಾರರು ಸೋಮವಾರ ನಾಮಪತ್ರ ಸಲ್ಲಿಸುತ್ತಾರೆ ಎಂದು ನಿರೀಕ್ಷಿಸಲಾಗಿದೆ.