ಹಸಿದ ಕೋತಿಗಳಿಗೆ ಆಹಾರ ವಿತರಿಸಿದ ಶಾಸಕ ಗೂಳಿಹಟ್ಟಿ

ಹೊಸದುರ್ಗ: ಕೋವಿಡ್‌ 19ನಿಂದಾಗಿ ಪ್ರಾಣಿ-ಪಕ್ಷಿಗಳ ಆಹಾರಕ್ಕೂ ತತ್ವಾರ ತಂದಿಟ್ಟಿದೆ. ಈ ಹಿನ್ನೆಲೆಯಲ್ಲಿ ದಾರಿಯಲ್ಲಿ ಕಂಡ ಮಂಗಗಳಿಗೆ ಹಣ್ಣು ವಿತರಿಸಿ ಶಾಸಕ ಗೂಳಿಹಟ್ಟಿ ಶೇಖರ್‌ ಮಾನವೀಯತೆ ಮೆರದಿದ್ದಾರೆ.

ಶಾಸಕರು ಈಗಾಗಲೇ ಜಾನುವಾರುಗಳಿಗೆ ಮೇವು ವಿತರಿಸಲು ಕ್ರಮ ಕೈಗೊಂಡಿದ್ದಾರೆ. ಈಗ ಧಾರ್ಮಿಕ ಕ್ಷೇತ್ರಗಳಲ್ಲಿರುವ ಪ್ರಾಣಿ- ಪಕ್ಷಿಗಳ ಹಸಿವು ನೀಗಿಸಲು ಮುಂದಾಗಿದ್ದಾರೆ. ಮತ್ತೋಡು ಹೋಬಳಿಯ ದಶರಥರಾಮೇಶ್ವರ ಪುಣ್ಯ ಕ್ಷೇತ್ರದಲ್ಲಿರುವ ವಾನರ ಪಡೆಗೆಆಹಾರದ ಕೊರೆತಯುಂಟಾಗಿತ್ತು. ಲಾಕ್‌ಡೌನ್‌ ಅವಧಿ ಮುಗಿಯುವರೆಗೆ ಕೋತಿಗಳಿಗೆ ಆಹಾರದ ವ್ಯವಸ್ಥೆ ಮಾಡುವಂತೆ ದೇವಾಲಯದ ಆಡಳಿತ ಮಂಡಳಿಯವರಿಗೆ ಸೂಚಿಸಿದ್ದಾರೆ.