ಹಾಪ್‌ಮನ್‌ ಕಪ್‌ ಟೆನಿಸ್‌ ಸ್ವಿಸ್‌ ಗೆಲುವಿನ ಆರಂಭ

ಪರ್ತ್‌: ಹಾಪ್‌ಮನ್‌ ಕಪ್‌ ಟೆನಿಸ್‌ ಪಂದ್ಯಾವಳಿಯಲ್ಲಿ ಟೆನಿಸ್‌ ತಾರೆ ರೋಜರ್‌ ಫೆಡರರ್‌ ಸ್ವಿಟ್ಸರ್‌ಲ್ಯಾಂಡಿಗೆ ಗೆಲುವಿನ ಆರಂಭ ಕೊಡಿಸಿದ್ದಾರೆ. ಶನಿವಾರದ ಪುರುಷರ ಸಿಂಗಲ್ಸ್‌ ಪಂದ್ಯದಲ್ಲಿ ಅವರು ಜಪಾನಿನ ಯಿಚಿ ಸುಗಿಟ ವಿರುದ್ಧ 6-4, 6-3 ಅಂತರದ ಜಯ ಸಾಧಿಸಿದರು.

ಈ ವರ್ಷ 2 ಗ್ರ್ಯಾನ್‌ಸ್ಲಾಮ್‌ ಪ್ರಶಸ್ತಿಗಳೊಂದಿಗೆ ಮರಳಿ ಸುದ್ದಿಯಾದ ನಂ.2 ರೋಜರ್‌ ಫೆಡರರ್‌, ಮುಂಬರುವ ಆಸ್ಟ್ರೇಲಿಯನ್‌ ಓಪನ್‌ ಪಂದ್ಯಾವಳಿಗೆ ಹಾಪ್‌ಮನ್‌ ಕಪ್‌ ಸ್ಫೂರ್ತಿ ಎಂದಿದ್ದಾರೆ.

ವನಿತಾ ಸಿಂಗಲ್ಸ್‌ ಸ್ಪರ್ಧೆಯಲ್ಲಿ ಬೆಲಿಂಡಾ ಬೆಂಡಿಕ್‌ 7-5, 6-3ರಿಂದ ನವೋಮಿ ಒಸಾಕಾ ಅವರಿಗೆ ಸೋಲುಣಿಸಿದರು.