Hockey5 ವಿಶ್ವಕಪ್‌: ಕ್ವಾರ್ಟರ್‌ ಫೈನಲ್‌ಗೆ ಭಾರತ

ಮಸ್ಕತ್‌: ಜಮೈಕಾವನ್ನು 13-0 ಗೋಲುಗಳಿಂದ ಬಗ್ಗುಬಡಿದ ಭಾರತ ತಂಡ ಪುರುಷರ ಹಾಕಿ5 ವಿಶ್ವಕಪ್‌ ಪಂದ್ಯಾವಳಿಯ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದೆ.

ಸೋಮವಾರ ನಡೆದ “ಬಿ’ ವಿಭಾಗದ ಈ ಪಂದ್ಯದಲ್ಲಿ ಭಾರತ ಅಸಾಮಾನ್ಯ ಪ್ರದರ್ಶನ ನೀಡಿತು. ಮಣಿಂದರ್‌ ಸಿಂಗ್‌ ಪಂದ್ಯದ 2ನೇ ನಿಮಿಷದಲ್ಲೇ ಬೆನ್ನುಬೆನ್ನಿಗೆ 2 ಗೋಲು ಸಿಡಿಸಿ ಜಮೈಕಾದ ಮೇಲೆ ಸವಾರಿ ಆರಂಭಿಸಿದರು. 5ನೇ ನಿಮಿಷದಲ್ಲಿ ಉತ್ತಮ್‌ ಸಿಂಗ್‌ ಮತ್ತು ಮನ್‌ಜಿàತ್‌ ಮತ್ತೆರಡು ಗೋಲು ಬಾರಿಸಿದರು. ಮೊದಲ 6 ನಿಮಿಷದಲ್ಲೇ ಭಾರತ 4-0 ಮುನ್ನಡೆ ಸಾಧಿಸುವಲ್ಲಿ ಯಶಸ್ವಿಯಾಗಿತ್ತು.

9ನೇ ನಿಮಿಷದಲ್ಲಿ ಪವನ್‌ ರಾಜಾ½ರ್‌ ಹಾಗೂ 14ನೇ ನಿಮಿಷದಲ್ಲಿ ಗುರುಜೋತ್‌ ಸಿಂಗ್‌ ಕೂಡ ಗೋಲು ಬಾರಿಸುವಲ್ಲಿ ಯಶಸ್ವಿಯಾದರು. ಮೊದಲ ಕ್ವಾರ್ಟರ್‌ನಲ್ಲೇ 6-0 ಮುನ್ನಡೆ ಭಾರತದ್ದಾಯಿತು.

29 ನಿಮಿಷ, 13 ಗೋಲ್‌!
ದ್ವಿತೀಯ ಕ್ವಾರ್ಟರ್‌ ಅಂತ್ಯಕ್ಕೆ ಈ ಅಂತರ 13-0 ಆಗಿತ್ತು. ಮೊಹಮ್ಮದ್‌ ರಾಹೀಲ್‌ (16ನೇ ಹಾಗೂ 27ನೇ ನಿಮಿಷ), ಮನ್‌ದೀಪ್‌ ಮೋರ್‌ (23ನೇ ಹಾಗೂ 27ನೇ ನಿಮಿಷ), ಮನ್‌ಜಿàತ್‌ (24ನೇ ನಿಮಿಷ), ಮಣಿಂದರ್‌ ಸಿಂಗ್‌ (28ನೇ ಹಾಗೂ 29ನೇ ನಿಮಿಷ) ಭಾರತದ ಗೋಲುವೀರರಾಗಿದ್ದರು.