ಹಿಕೋರಾದಲ್ಲಿ ಹಿರಿಯ ನಟಿ ಲಕ್ಷ್ಮೀ

ಬೆಂಗಳೂರು:ಹಿಕೋರಾ ಚಿತ್ರದಲ್ಲಿ ಹಿರಿಯ ನಟಿ ಜ್ಯೂಲಿ ಲಕ್ಷ್ಮಿ ನಟಿಸುತ್ತಿದ್ದಾರೆ. ತನ್ನ ಪಾತ್ರ ಹಾಗೂ ಹೊಸತನದ ಕಥೆ ಕೇಳಿ ಖುಷಿಯಾದ ಲಕ್ಷ್ಮಿಯವರು ಚಿತ್ರದ ಪ್ರಧಾನ ಪಾತ್ರವಾಗಿರುವ ಸೈಕಿಯಾಟಿಸ್ಟ್‌ ಪಾತ್ರಕ್ಕೆ ಮನಸಾರೇ ಒಪ್ಪಿಗೆ ಸೂಚಿಸಿದ್ದಾರೆ. 

ಜನವರಿಯಿಂದ ಅವರು ಚಿತ್ರತಂಡವನ್ನು ಸೇರಿಕೊಳ್ಳಲಿದ್ದಾರೆ. ನೀನಾಸಂನಲ್ಲಿ ಕಲಿತ ಹುಡುಗರೇ ಸೇರಿ ಮಾಡುತ್ತಿರುವ “ಹಿಕೋರಾ’ ಟೈಟಲ್‌ ವಿಚಿತ್ರವಾಗಿದೆ. ಅದೇ ರೀತಿ ಸಿನೆಮಾ ಕೂಡ   ಕುತೂಹಲಕಾರಿಯಾಗಿರುತ್ತದೆ ಎನ್ನುವುದು ನಿರ್ದೇಶಕ ಕೃಷ್ಣಪೂರ್ಣ ಅವರ ಮಾತು. “ಹಿಕೋರಾ’ ಕ್ಲಾಸ್‌ ಎಂಡ್‌ ಮಾಸ್‌ ಆಗಿರುತ್ತದೆಯಂತೆ.

ಚಿತ್ರಕ್ಕೆ ಪೂರ್ಣಚಂದ್ರ ತೇಜಸ್ವಿ ಸಂಗೀತ, ಕಿರಣ್‌ ಸಂಕಲನ ಚಿತ್ರಕ್ಕಿದೆ. ಚಿತ್ರಕ್ಕೆ ವಿನಾಯಕರಾಮ್‌ ಕಲಗಾರು ಸಂಭಾಷಣೆ ಹಾಗೂ ಸಹ ನಿರ್ಮಾಣವಿದೆ. ರತ್ನಾ ಶ್ರೀಧರ್‌ ಈ ಚಿತ್ರದ ನಿರ್ಮಾಪಕಿ.