ಹಿಜಾಬ್‌ ಪ್ರತಿಭಟನೆ: ಇರಾನ್‌ನಲ್ಲಿ ಅಪರಾಧಿಗೆ ಸಾರ್ವಜನಿಕ ಗಲ್ಲು ಶಿಕ್ಷೆ

ದುಬೈ: ಹಿಜಾಬ್‌ ವಿರುದ್ಧ ಇರಾನ್‌ನಾದ್ಯಂತ ನಡೆದ ಪ್ರತಿಭಟನೆಗಳಲ್ಲಿ ಭಾಗವಹಿಸಿದ ಆರೋಪಕ್ಕೆ ಸಂಬಂಧಿಸಿದಂತೆ ಮಜಿದರೇಜಾ  ಎಂಬುವರನ್ನು ಸೋಮವಾರ ಸಾರ್ವಜನಿಕವಾಗಿ ಗಲ್ಲಿಗೇರಿಸಲಾಗಿದೆ.

ಅವರನ್ನು ನಿರ್ಮಾಣ ಕೆಲಸಕ್ಕೆ ಬಳಸುವ ಕ್ರೇನ್‌ಗೆ ಸಿಕ್ಕಿಸಿ ಶಿಕ್ಷೆಯನ್ನು ಜಾರಿಗೊಳಿಸಲಾಗಿದೆ. ಈ ಮೂಲಕ ಅಲ್ಲಿನ ಸರಕಾರ ಎಲ್ಲರೂ ಕಡ್ಡಾಯವಾಗಿ ಧಾರ್ಮಿಕ ನಿಯಮ ಗಳನ್ನು ಪಾಲನೆ ಮಾಡಲೇಬೇಕು ಎಂಬ ಸೂಚನೆಯನ್ನು ಪರೋಕ್ಷವಾಗಿ ಸಾರಿದೆ. ಕೆಲ ದಿನಗಳ ಹಿಂದಷ್ಟೇ ಭದ್ರತಾ ಪಡೆಯ ಇಬ್ಬರು ಸದಸ್ಯರನ್ನು ಇರಿದು ಗಂಭೀರವಾಗಿ ಗಾಯಗೊಳಿಸಿದ ಘಟನೆಯ ಬಳಿಕ ಕ್ರೂರವಾಗಿ ಶಿಕ್ಷೆ ವಿಧಿಸ ಲಾಗಿದೆ.

ಮಾನವ ಹಕ್ಕುಗಳ ಕಾರ್ಯ ಕರ್ತರು ಆರೋಪಿ ಸುವ ಪ್ರಕಾರ ರಹಸ್ಯವಾಗಿ ಹಲವಾರು ಮಂದಿಗೆ ಗಲ್ಲು ಶಿಕ್ಷೆ ವಿಧಿಸಲಾಗಿದೆ. ಹಿಜಾಬ್‌ ವಿರೋಧಿ ಪ್ರತಿಭಟನೆಯಲ್ಲಿ ಕನಿಷ್ಠ 488 ಮಂದಿ ಅಸುನೀಗಿದ್ದಾರೆ ಮತ್ತು ನೂರಾರು ಮಂದಿ ಗಾಯಗೊಂಡಿದ್ದಾರೆ. ಸೆ. 16ರಿಂದ ಈಚೆಗೆ 18, 200ಕ್ಕೂ ಅಧಿಕ ಮಂದಿಯನ್ನು ವಶಕ್ಕೆ ಪಡೆದುಕೊಳ್ಳಲಾಗಿದೆ.