ಉಳ್ಳವರು ಇಲ್ಲ ದವರಿಗೆ ಸಹಾಯ ಮಾಡಿ

ತುಮಕೂರು: ಕೋವಿಡ್ 19 ಲಾಕ್‌ಡೌನ್‌ ಆಗಿರುವ ಈ ಸಂದರ್ಭದಲ್ಲಿ ನಗರದಲ್ಲಿ ಯಾರೂ ಹಸಿವಿ ನಿಂದ ಬಳಲಬಾರದು ಎಂಬ ಉದ್ದೇಶದಿಂದ ಆರ್‌. ಆರ್‌. ಅಭಿಮಾನಿ ಬಳಗವು ಯುವ ಕಾಂಗ್ರೆಸ್‌ ನೇತೃತ್ವದಲ್ಲಿ ಪ್ರತಿನಿತ್ಯ ದಾಸೋಹ ಕಾರ್ಯ ನಡೆಸುತ್ತಿರುವುದು ಶ್ಲಾಘನೀಯ ಎಂದು ಶಾಸಕ ಜಿ.ಬಿ. ಜ್ಯೋತಿಗಣೇಶ್‌ ಮೆಚ್ಚುಗೆ ವ್ಯಕ್ತಪಡಿಸಿದರು.

ನಗರದ ಮರಳೂರು ಎಸ್‌ಎಸ್‌ಐಟಿ ಕಾಲೇಜಿನ ಮುಂಭಾಗದಲ್ಲಿರುವ ಬೀರೇಶ್ವರ ಕಲ್ಯಾಣ ಮಂಟಪ ದಲ್ಲಿ ನಡೆಯುತ್ತಿರುವ ದಾಸೋಹ ಕಾರ್ಯವನ್ನು ಶುಕ್ರವಾರ ವೀಕ್ಷಿಸಿ ಮಾತನಾಡಿ, ಕೋವಿಡ್ 19  ಸಂಕಷ್ಟದಲ್ಲಿ ಆರ್‌.ರಾಜೇಂದ್ರ ನೇತೃತ್ವದ ಬಳಗ ಬಸವಣ್ಣನ ಮಾತಿನಂತೆ ದಾಸೋಹ ಕಾರ್ಯ ನಡೆಸುತ್ತಿದ್ದಾರೆಂದರು. ರಾಜ್ಯ ಯುವ ಕಾಂಗ್ರೆಸ್‌ ಉಪಾಧ್ಯಕ್ಷ ಆರ್‌.ರಾಜೇಂದ್ರ, ಆರ್‌.ರವೀಂದ್ರ, ಯಶಸ್‌, ಹೋಂಗಾರ್ಡ್ಸ್‌ ಕಮಾಂಡೆಂಟ್‌ ಆರ್‌ .ಪಾತಣ್ಣ, ರಾಜೇಶ್‌ ದೊಡ್ಮನೆ, ಓಬಳಿ ಶ್ರೀನಿವಾಸ್‌, ಲೋಕೇಶ್‌, ಶರಣ್‌, ರಘು ಮತ್ತಿತರರಿದ್ದರು.