ಬಂಟ್ವಾಳ: ಮಳೆಯಿಂದ ಹಲವೆಡೆ ಹಾನಿ; ಕಾರು ಜಖಂ

ಬಂಟ್ವಾಳ: ಬಂಟ್ವಾಳ ತಾಲೂಕಿನಲ್ಲಿ ವ್ಯಾಪಕ ಮಳೆಯಾಗಿದ್ದು, ಹಲವೆಡೆ ಸಣ್ಣಪುಟ್ಟ ಹಾನಿ ಸಂಭವಿಸಿದೆ. ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಠಾಣೆಯ ಹಿಂಬದಿ ಆವರಣ ಗೋಡೆ ಕುಸಿದು ಮಾರುತಿ ಆಲ್ಟೋ ಕಾರೊಂದು ಸಂಪೂರ್ಣ ಜಖಂಗೊಂಡಿದೆ.

ಹಲವೆಡೆ ಗುಡ್ಡ ಕುಸಿದು ಮನೆ, ವಿದ್ಯುತ್ ಕಂಬಗಳಿಗೆ ಹಾನಿಯಾಗಿದೆ.

ಬಂಟ್ವಾಳ ಪುರಸಭಾ ವ್ಯಾಪ್ತಿಯ ಹೊಸ್ಮಾರು ಬಳಿ ಹೆದ್ದಾರಿ ಕಾಮಗಾರಿಯಿಂದಾಗಿ ಗುಡ್ಡ ಕುಸಿದು ತೆಂಗಿನಮರಗಳು ಅಪಾಯದಲ್ಲಿದೆ. ಬಿ.ಸಿ.ರೋಡಿನ ಪೊಸಳ್ಳಿಯಲ್ಲಿ ಮಣ್ಣು ಕುಸಿತದಿಂದ ವಿದ್ಯುತ್ ಕಂಬ ಹಾಗೂ ಆವರಣ ಗೋಡೆಗೆ ಹಾನಿಯಾಗಿದೆ.