ಉ.ಪ್ರ: ಮಳೆಗೆ 12 ಬಲಿ

ಲಕ್ನೋ/ಭಿಂಡ್‌: ಉತ್ತರಪ್ರದೇಶದಲ್ಲಿ ಮಳೆ ಮುಂದುವರಿದಿದ್ದು, ಸೋಮವಾರ ರಾತ್ರಿ ಮಳೆ ಸಂಬಂಧಿ ಘಟನೆಗಳಿಗೆ 12 ಮಂದಿ ಬಲಿಯಾಗಿ, 14 ಮಂದಿ ಗಾಯಗೊಂಡಿದ್ದಾರೆ. ಹೀಗಾಗಿ, ಶನಿವಾರದಿಂದೀಚೆಗೆ ಮೃತರ ಸಂಖ್ಯೆ 38ಕ್ಕೇರಿದಂತಾಗಿದೆ. ಇದೇ ವೇಳೆ, ಬುಧವಾರವೂ ವರುಣನ ಆರ್ಭಟ ಮುಂದುವರಿಯಲಿದೆ ಎಂದು ಹವಾಮಾನ ಇಲಾಖೆ ಎಚ್ಚರಿಸಿದೆ. ಮತ್ತೂಂದೆಡೆ, ಮಧ್ಯಪ್ರದೇಶದ ಮೆಹಗಾಂವ್‌ ಪ್ರದೇಶದಲ್ಲಿ ಬೆಸ್ಲಾ ನದಿ ತುಂಬಿ ಹರಿಯುತ್ತಿದ್ದು, ಸೇತುವೆಯಲ್ಲಿ ಸಂಚರಿಸುತ್ತಿದ್ದ ಕಾರೊಂದು ಕೊಚ್ಚಿ ಹೋಗಿ ಅದರಲ್ಲಿದ್ದ ಇಬ್ಬರು ಮಕ್ಕಳು ಸೇರಿ ಒಂದೇ ಕುಟುಂಬದ ನಾಲ್ವರು ಅಸುನೀಗಿದ್ದಾರೆ.