Head Coach: ವೆಸ್ಟ್‌ ಇಂಡೀಸ್‌ ಎಲ್ಲ ಮಾದರಿಗೂ ಡ್ಯಾರನ್‌ ಸಮ್ಮಿ ಕೋಚ್‌

ಸೇಂಟ್‌ ವಿನ್ಸೆಂಟ್‌: ಮಾಜಿ ನಾಯಕ ಡ್ಯಾರನ್‌ ಸಮ್ಮಿ ವೆಸ್ಟ್‌ ಇಂಡೀಸ್‌ನ ಎಲ್ಲ ಮಾದರಿಯ ಕ್ರಿಕೆಟಿಗೂ ಪ್ರಧಾನ ಕೋಚ್‌ ಆಗಿ ನೇಮಿಸಲ್ಪಟ್ಟಿದ್ದಾರೆ. ಮುಂದಿನ ವರ್ಷದ ಎಪ್ರಿಲ್‌  ಒಂದರಂದು ಅಧಿಕಾರ ಸ್ವೀಕರಿಸಲಿದ್ದಾರೆ ಎಂದು “ಕ್ರಿಕೆಟ್‌ ವೆಸ್ಟ್‌ ಇಂಡೀಸ್‌’ನ ಡೈರೆಕ್ಟರ್‌ ಆಫ್ ಕ್ರಿಕೆಟ್‌ ಆಗಿರುವ ಮೈಲ್ಸ್‌ ಬಾಸ್‌ಕೋಂಬ್‌ ಹೇಳಿದ್ದಾರೆ.

40 ವರ್ಷದ ಡ್ಯಾರನ್‌ ಸಮ್ಮಿ 2023ರ ಮೇ ತಿಂಗಳಲ್ಲಿ ಸೀಮಿತ ಓವರ್‌ ಕ್ರಿಕೆಟ್‌ ತಂಡಗಳ ಕೋಚ್‌ ಆಗಿ ನೇಮಕಗೊಂಡಿದ್ದರು. ಆಗ ಟೆಸ್ಟ್‌ ತಂಡದ ಕೋಚ್‌ ಆಗಿ ಆ್ಯಂಡ್ರೆ ಕೋಲಿ ಅವರನ್ನು ಆಯ್ಕೆ ಮಾಡಲಾಗಿತ್ತು.