ದುಷ್ಟ ಶಕ್ತಿಗಳ ಊರುಭಂಗವಾಗಲಿ: ಶುಭಾಶಯದೊಂದಿಗೆ ಎಚ್‌ಡಿಡಿ ಟಾಂಗ್‌ 

ಬೆಂಗಳೂರು: ಮಾಜಿ ಪ್ರಧಾನಿ, ಜೆಡಿಎಸ್‌ ವರಿಷ್ಠ ಎಚ್‌.ಡಿ.ದೇವೇಗೌಡ ಅವರು ಸಂಕ್ರಾಂತಿ ಶುಭಾಶಯದೊಂದಿಗೆ ಬಿಜೆಪಿಗೆ ಟಾಂಗ್‌ ನೀಡಿ ಕಿಚ್ಚು ಹಾಯಿಸಿದ್ದಾರೆ. 

ಆಪರೇಷನ್‌ ಕಮಲ ಯತ್ನಗಳು ನಡೆಯುತ್ತಿವೆ ಎನ್ನುವ ಸಂದರ್ಭದಲ್ಲಿ ಎಚ್‌ಡಿಡಿ ಅವರ ಈ ಟ್ವೀಟ್‌ ಅವರ ಆತಂಕವನ್ನು ಸೂಚಿಸುತ್ತಿದೆ.   

‘ಸಮಸ್ತರಿಗೂ ಸುಗ್ಗಿ ಹಬ್ಬ ಮಕರ ಸಂಕ್ರಾಂತಿಯ ಹಾರ್ದಿಕ ಶುಭಾಶಯಗಳು. ಈ ಸಂದರ್ಭದಲ್ಲಿ ರೈತ ಪರ ಸರ್ಕಾರವನ್ನು ಕದಡಿಸಲು ಯತ್ನಿಸುತ್ತಿರುವ ದುಷ್ಟ ಶಕ್ತಿಗಳ ಊರುಭಂಗವಾಗಲಿದ್ದು ಈ ಪರ್ವ ಅನ್ನದಾತ ರೈತರು ಹಾಗೂ ಸಮಸ್ತ ಜನತೆಯ ಮನ ಮನೆಗಳಲ್ಲಿ  ಸುಖ, ಶಾಂತಿ, ಸಮೃದ್ಧಿ ತರಲಿ ಎಂದು‌ ಹಾರೈಸುತ್ತೇನೆ’ ಎಂದು ಟ್ವೀಟ್‌ ಮಾಡಿದ್ದಾರೆ.