ಧೋನಿಯನ್ನು ಪರೋಕ್ಷವಾಗಿ ಟೀಕಿಸಿದ ಹರ್ಷ ಗೊಯೆಂಕಾ

ಪುಣೆ: ಕೆಲವೇ ದಿನಗಳ ಹಿಂದೆ ಟ್ವೀಟರ್‌ನಲ್ಲಿ ಧೋನಿಯನ್ನು ನೇರವಾಗಿ ಟೀಕಿಸಿ ಅಭಿಮಾನಿಗಳಿಂದ ಹಿಗ್ಗಾಮುಗ್ಗಾ ಟೀಕೆಗೊಳಗಾಗಿದ್ದ ಪುಣೆ ಐಪಿಎಲ್‌ ತಂಡದ ಮಾಲಿಕ ಸಂಜೀವ್‌ ಗೊಯೆಂಕಾ ಸೋದರ ಹರ್ಷ ಈಗ ಮತ್ತೂಂದು ಎಡವಟ್ಟು ಮಾಡಿಕೊಂಡಿದ್ದಾರೆ. 

ಪುಣೆ ತಂಡದ ಬ್ಯಾಟ್ಸ್‌ ಮನ್‌ಗಳ ಸ್ಟ್ರೈಕ್‌ರೇಟನ್ನು ಪ್ರಕಟಿಸಿ ಪರೋಕ್ಷವಾಗಿ ಧೋನಿ ಬ್ಯಾಟಿಂಗ್‌ ಸಾಧನೆ ಅಷ್ಟಕ್ಕಷ್ಟೇ ಎಂದು ಹೇಳಿದ್ದಾರೆ. ಇದು ಮತ್ತೂಂದು ಸುತ್ತಿನ ಜಗಳಕ್ಕೆ ಕಾರಣವಾಗಬಹುದು. ಹರ್ಷ ಟ್ವೀಟ್‌ ಮಾಡಿದ್ದಿಷ್ಟು: “ಸದ್ಯದ ಅಂಕಿಸಂಖ್ಯೆಗಳ ಪ್ರಕಾರ ಪುಣೆಯ ಮನೋಜ್‌ ತಿವಾರಿ, ರಹಾನೆ, ಕ್ರಿಸ್ಟಿಯನ್‌ ಶ್ರೇಷ್ಠ ರನ್‌ರೇಟ್‌ ಹೊಂದಿದ್ದಾರೆ’. ಇದು ಧೋನಿಯ ಸ್ಟ್ರೈಕ್‌ರೇಟ್‌ ಚೆನ್ನಾಗಿಲ್ಲವೆಂಬ ಪರೋಕ್ಷ ಟೀಕೆ ಎಂದು ವಿಶ್ಲೇಷಿಸಲಾಗಿದೆ.