Harmanpreet Singh: ವರ್ಷದ ಆಟಗಾರ ಪ್ರಶಸ್ತಿಗೆ ಹರ್ಮನ್‌ಪ್ರೀತ್‌ ಹೆಸರು

ಹೊಸದಿಲ್ಲಿ: ಭಾರತ ಹಾಕಿ ತಂಡದ ಯಶಸ್ವಿ ನಾಯಕ ಹರ್ಮನ್‌ಪ್ರೀತ್‌ ಸಿಂಗ್‌ ಅವರ ಹೆಸರನ್ನು ಎಫ್ಐಎಚ್‌ ವರ್ಷದ ಆಟಗಾರ ಪ್ರಶಸ್ತಿಗೆ ಸೂಚಿಸಲಾಗಿದೆ. ಪ್ರಶಸ್ತಿ ಒಲಿದದ್ದೇ ಆದಲ್ಲಿ ಅವರು 3ನೇ ಸಲ ಈ ಗೌರವಕ್ಕೆ ಭಾಜನರಾದಂತಾಗುತ್ತದೆ. ಇದಕ್ಕೂ ಮುನ್ನ 2020-22ರ ಅವಧಿಯಲ್ಲಿ ಅವರು ವರ್ಷದ ಆಟಗಾರನಾಗಿದ್ದರು.

ಹರ್ಮನ್‌ಪ್ರೀತ್‌ ಸಿಂಗ್‌ ನಾಯಕತ್ವದಲ್ಲಿ ಭಾರತ ಪ್ಯಾರಿಸ್‌ ಒಲಿಂಪಿಕ್ಸ್‌ನಲ್ಲಿ ಕಂಚಿನ ಪದಕ ಜಯಿಸಿತ್ತು. ಮೊನ್ನೆಯಷ್ಟೇ ಏಷ್ಯನ್‌ ಹಾಕಿ ಚಾಂಪಿಯನ್ಸ್‌ ಪ್ರಶಸ್ತಿಯನ್ನೂ ತನ್ನದಾಗಿಸಿಕೊಂಡಿತ್ತು.

“ನನ್ನ ಹೆಸರನ್ನು ಮತ್ತೂಮ್ಮೆ ಎಫ್ಐಎಚ್‌ ವರ್ಷದ ಪ್ರಶಸ್ತಿಗೆ ಶಿಫಾರಸು ಮಾಡಿದ್ದನ್ನು ದೊಡ್ಡ ಗೌರವವೆಂದೇ ಭಾವಿಸುತ್ತೇನೆ’ ಎಂಬುದಾಗಿ ಹರ್ಮನ್‌ಪ್ರೀತ್‌ ಸಿಂಗ್‌ ಪ್ರತಿಕ್ರಿಯಿಸಿದ್ದಾರೆ.