ಹಳೆಯಂಗಡಿ: ಮೊಹಮ್ಮದ್‌ ಸವಾನ್‌ಗೆ ಧನಸಹಾಯ

ಹಳೆಯಂಗಡಿ: ಕಾಲಿನ ಅಶಕ್ತಿಯಿಂದ ಬಳಲುತ್ತಿರುವ ಹಳೆಯಂಗಡಿ ಗ್ರಾಮದ ಬೊಳ್ಳೂರಿನ ಇಂದಿರಾನಗರದ ಆಶಿಯಾರ ಪುತ್ರ ಮೊಹಮ್ಮದ್‌ ಸವಾನ್‌ ಗೆ ದುಬಾಯಿಯಲ್ಲಿ ಉದ್ಯೋಗದಲ್ಲಿರುವ ಸಹೋದರರಾದ ಮೊಹಮ್ಮದ್‌ ಅಶ್ರಫ್‌ ಹಾಗು ಕಲಂದರ್‌ ಹಾರಿಸ್‌ ಇವರು ಸಂಗ್ರಹಿಸಿದ ಮೊತ್ತವನ್ನು ಅವರ ತಂದೆ ಬದ್ರುದ್ದೀನ್‌ ಬೊಳ್ಳೂರು ರವರು ಕುಟುಂಬಕ್ಕೆ ಹಸ್ತಾಂತರಿಸಿದರು.

ಈ ಸಂದರ್ಭದಲ್ಲಿ ಸಾಮಾಜಿಕ ಕಾರ್ಯಕರ್ತ ಅದ್ದಿ ಬೊಳ್ಳೂರು, ರಿಲಾಯನ್ಸ್‌ ಅಸೋಸಿಯನ್‌ನ ಮಾಜಿ ಅಧ್ಯಕ್ಷ ಹಾರಿಸ್‌ ನವರಂಗ್‌, ಖಾದರ್‌ ಕೋಡಿಕಲ್‌, ಹನೀಫ್‌, ತಾಯಿಫ್‌, ಇಕ್ಬಾಲ್‌ ಎಮ್‌.ಎ. ಮತ್ತು ಯೂಸುಫ್‌ ಬೊಳ್ಳೂರು ಉಪಸ್ಥಿತರಿದ್ದರು. ಎ. 4ರಂದು ಉದಯವಾಣಿಯ ಸುದಿನದಲ್ಲಿ ಮೊಹಮ್ಮದ್‌ ಸವಾನ್‌ನ ಬಗ್ಗೆ ವರದಿ ಪ್ರಕಟಗೊಂಡಿತು.