ಎಚ್‌ಎಎಲ್‌ಗೆ ಪಿಎಸ್‌ಎಲ್‌ವಿ 5 ರಾಕೆಟ್‌ ನಿರ್ಮಾಣದ ಹೊಣೆ

ಹೊಸದಿಲ್ಲಿ: ಹಿಂದುಸ್ಥಾನ್‌ ಏರೋನಾಟಿಕ್ಸ್‌ ಲಿಮಿಟೆಡ್‌-ಎಲ್‌+ಕ್ಯಾರ್‌(38)+ಟಿ ಒಕ್ಕೂಟಕ್ಕೆ 5 ರಾಕೆಟ್‌ ಅಭಿವೃದ್ಧಿ­ಪಡಿಸುವ ಅವಕಾಶ ಲಭ್ಯವಾಗಿದೆ. ನ್ಯೂಸ್ಪೇಸ್‌ ಇಂಡಿಯಾ ಲಿಮಿಟೆಡ್‌(ಎನ್‌ಎಸ್‌ಐಎಲ್‌)
ನೊಂದಿಗೆ 860 ಕೋಟಿ ರೂ.ಗಳ ಒಪ್ಪಂದಕ್ಕೆ ಸಹಿ ಹಾಕಲಾಗಿದೆ.

ಈ ಮೂಲಕ ಎಚ್‌ಎಎಲ್‌ ಕಂಪೆನಿಯು ಪೂರ್ಣ ಪ್ರಮಾಣದಲ್ಲಿ ಪೋಲಾರ್‌ ಸ್ಯಾಟಲೈಟ್‌ ಲಾಂಚ್‌ ವೆಹಿಕಲ್ಸ್‌ (ಪಿಎಸ್‌ಎಲ್‌ವಿ) ಉತ್ಪಾದನ ರಂಗಕ್ಕೆ ಪ್ರವೇಶಿಸಿದಂತಾಗಿದೆ.

ಒಪ್ಪಂದದ ಪ್ರಕಾರ, ಎಚ್‌ಎಎಲ್‌ 5 ಪಿಎಸ್‌ಎಲ್‌ವಿ ರಾಕೆಟ್‌ ನಿರ್ಮಿಸ­ಲಿದೆ. 2 ವರ್ಷಗಳೊಳಗಾಗಿ ಮೊದಲ ಬಾಹ್ಯಾಕಾಶ ನೌಕೆ­ಯನ್ನು ಅಭಿವೃದ್ಧಿಪಡಿಸಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಭಾರತದ ಪಾಲುದಾರರೊಂದಿಗೆ ಸೇರಿ ಸಂಪೂರ್ಣ­ವಾಗಿ ಜಿಎಸ್‌ಎಲ್‌ವಿ-ಎಂಕೆ 3 ರಾಕೆಟ್‌ ಅನ್ನು ಅಭಿವೃದ್ಧಿಪಡಿಸುವ ಯೋಜ­ನೆಯನ್ನೂ ಎನ್‌ಎಸ್‌ಐಎಲ್‌ ಹಾಕಿಕೊಂಡಿದೆ.

ಶೇ.8ರ ಪಾಲು ಹೊಂದುವ ಗುರಿ: ಜಾಗತಿಕ ಬಾಹ್ಯಾಕಾಶ ಆರ್ಥಿಕತೆಯಲ್ಲಿ ಪ್ರಸ್ತುತ ಭಾರತದ ಬಾಹ್ಯಾಕಾಶ ವಲಯದ ಪಾಲು ಶೇ.2ರಷ್ಟಿದೆ. ಇಸ್ರೋ ಜತೆ ಖಾಸಗಿ ವಲಯವೂ ಕೈಜೋಡಿಸಿ ಶ್ರಮ­ಪಟ್ಟರೆ ಇದನ್ನು ಶೇ.8ಕ್ಕೇರಿಸಬಹುದಾಗಿದೆ ಎಂದು ಇಂಡಿಯನ್‌ ನ್ಯಾಶನಲ್‌ ಸ್ಪೇಸ್‌ ಪ್ರೊಮೋಶನ್‌ ಆ್ಯಂಡ್‌ ಆಥರೈಸೇಶನ್‌ ಸೆಂಟರ್‌ ಮುಖ್ಯಸ್ಥ ಪವನ್‌ ಕುಮಾರ್‌ ಗೋಯೆಂಕಾ ಅಭಿಪ್ರಾಯ­ಪಟ್ಟಿದ್ದಾರೆ. ಸದ್ಯ ದಲ್ಲೇ ಹೊಸ ಬಾಹ್ಯಾಕಾಶ ನೀತಿ ಅನಾವರಣ ಗೊಳ್ಳಲಿದ್ದು, ಖಾಸಗಿ ಸಂಸ್ಥೆಗಳು ಎದುರಿಸು ತ್ತಿರುವ ಅಡ್ಡಿ ಹಾಗೂ ಸಮಸ್ಯೆಗಳಿಗೆ ಅದರಲ್ಲಿ ಪರಿಹಾರ ಒದಗಿಸಲಾಗುತ್ತದೆ.