ಆಲಿಕಲ್ಲು ಮಳೆಗೆ ಬೆಳೆಹಾನಿ

ಬಸವನಬಾಗೇವಾಡಿ: ಭಾನುವಾರ ಸಂಜೆ ವಿಜಯಪುರ ಜಿಲ್ಲೆ ಬಸವನಬಾಗೇವಾಡಿ ಸುತ್ತಮುತ್ತ ಆಲಿಕಲ್ಲು ಮಳೆ ಸುರಿದಿದ್ದು ತಾಲೂಕಿನ 3-4 ಹಳ್ಳಿಗಳ ತೋಟಗಾರಿಕೆ ಬೆಳೆ ಹಾನಿಯಾಗಿದೆ. 

ಕೂಡಗಿ, ಮಸಬಿನಾಳ, ದೇಗಿನಾಳ, ಬೂದಿಹಾಳ, ಕಾಮನಕೇರಿ, ಡೋಣೂರ ಸೇರಿ ಅನೇಕ ಹಳ್ಳಿಗಳಲ್ಲಿ ಬೆಳೆದಿದ್ದ ದ್ರಾಕ್ಷಿ, ಚಿಕ್ಕು, ಬಾಳೆ, ಜೋಳ, ಕಡಲೆ, ಗೋಧಿ  ಸೇರಿದಂತೆ ಅನೇಕ ಬೆಳೆಗಳು ಹಾನಿಗೀಡಾಗಿವೆ.

ಆಯಾ ಗ್ರಾಮಗಳಿಗೆ ಭೇಟಿ ನೀಡಿದ ಬಳಿಕ ಹಾನಿ ಪ್ರಮಾಣ ನಿಖರವಾಗಿ ಗೊತ್ತಾಗಲಿದೆ ಎಂದು ತಹಶೀಲ್ದಾರ್‌ ಎಂ.ಎನ್‌.
ಚೋರಗಸ್ತಿ ತಿಳಿಸಿದ್ದಾರೆ.