ಗೋರ್ಖಾಲ್ಯಾಂಡ್‌ ಚಳವಳಿ 29ನೇ ದಿನ: ಜಿಟಿಎ,ರೈಲ್ವೇ ಸ್ಟೇಶನ್‌ಗೆ ಬೆಂಕಿ

ಡಾರ್ಜಿಲಿಂಗ್‌ : ಪ್ರತ್ಯೇಕ ಗೋರ್ಖಾಲ್ಯಾಂಡ್‌ ರಾಜ್ಯ ರಚನೆಯನ್ನು ಆಗ್ರಹಿಸಿ ನಡೆಯುತ್ತಿರುವ ಅನಿರ್ದಿಷ್ಟಾವಧಿ ಬಂದ್‌ ಚಳವಳಿಯು ಇಂದು 29ನೇ ದಿನ ಪ್ರವೇಶಿಸಿದೆ. ಆಂದೋಲನಕಾರರು ಇಂದು ಡಾರ್ಜಿಲಿಂಗ್‌ನಲ್ಲಿನ ಜಿಟಿಎ ಕಾರ್ಯಾಲಯಕ್ಕೆ ಬೆಂಕಿ ಹಚ್ಚಿದ್ದಾರೆ; ಅನೇಕ ವಾಹನಗಳನ್ನು ಹಾನಿಗೊಳಿಸಿದ್ದಾರೆ.

ಡಾರ್ಜಿಲಿಂಗ್‌ನ ಮಾಲ್‌ ರಸ್ತೆಯಲ್ಲಿರುವ ಚೌರಾಷ್ಟ್ರಾದಲ್ಲಿನ  ಪ್ರಯಾಣ ಮತ್ತು ಪ್ರವಾಸೋದ್ಯದ ಗೋರ್ಖಾಲ್ಯಾಂಡ್‌ ಪ್ರಾದೇಶಿಕ ಆಡಳಿತ ಕಚೇರಿಗೆ ಗೋರ್ಖಾಲ್ಯಾಂಡ್‌ ಪರ ಬೆಂಬಲಿಗರು ಇಂದು ಬೆಂಕಿ ಹಚ್ಚಿದರು. 

ನಿನ್ನೆ ಗುರುವಾರ ರಾತ್ರಿ ಅಪರಿಚಿತ ವ್ಯಕ್ತಿಗಳು ಡಾರ್ಜಿಲಿಂಗ್‌ ಸ್ಟೇಶನ್‌ ಬಳಿ ನಿಲ್ಲಿಸಿಡಲಾಗಿದ್ದ ಹಲವಾರು ಸರಕಾರಿ ವಾಹನಗಳಿಗೆ ಹಾನಿ ಉಂಟುಮಾಡಿದರು. 

ಕುರ್ಸಿಯಾಂಗ್‌ನ ಗಾಯ್‌ಬರಿ ಪ್ರದೇಶದಲ್ಲಿರುವ ರೈಲ್ವೇ ಸ್ಟೇಶನ್‌ಗೆ ಆಂದೋಲನಕಾರರು ಇಂದು ಬೆಳಗ್ಗೆ ಬೆಂಕಿ ಹಚ್ಚಿದರು. ತೀಸ್ತಾ ನದಿ ಸಮೀಪದ ಅರಣ್ಯ ಇಲಾಖೆಯ ಬಂಗ್ಲೆಗೂ ಅವರು ಬೆಂಕಿ ಹಚ್ಚಿದರು ಎಂದು ಪೊಲೀಸರು ತಿಳಿಸಿದ್ದಾರೆ.