225 ಹಳ್ಳಿಗಳಲ್ಲಿ ಭೂಕುಸಿತ?

ಕೋಲ್ಕತಾ: ಮಹಾರಾಷ್ಟ್ರದ ಸುಮಾರು 225 ಹಳ್ಳಿಗಳು ಭೂಕುಸಿತದಂಥ ನೈಸರ್ಗಿಕ ವಿಕೋಪಗಳನ್ನು ತಡೆದುಕೊಳ್ಳಲು ಶಕ್ತವಾಗಿಲ್ಲ ಎಂದು ಭಾರತೀಯ ಭೂಗರ್ಭ ಸರ್ವೆ ಅಧ್ಯಯನದಲ್ಲಿ ತಿಳಿದುಬಂದಿದೆ. ಮುಂಬಯಿ ಪಾಲಿಕೆ ಮನವಿ ಮೇರೆಗೆ ಜಿಎಸ್‌ಐ ಈ ಪರೀಕ್ಷೆ ನಡೆಸಿತ್ತು.

ದುರ್ಬಲತೆ ಆಧಾರದ ಮೇಲೆ ಭೂವಿಯನ್ನು ನಾಲ್ಕು ವರ್ಗಗಳನ್ನಾಗಿ ವಿಂಗಡಿಸಲಾಗಿದೆ. 225 ಹಳ್ಳಿಗಳಲ್ಲಿ 47 ಹಳ್ಳಿಗಳ ಭೂಮಿ ಅತ್ಯಂತ ದುರ್ಬಲ ಎನ್ನಿಸಿಕೊಂಡಿದೆ. ಇಲ್ಲಿ ಭೂಕುಸಿತ ಸುಲಭವಾಗಿ ಆಗುತ್ತದೆ ಎಂದು ತಜ್ಞರು ಹೇಳಿದ್ದಾರೆ ಎನ್ನಲಾಗಿದೆ. 1980ರಿಂದಲೂ ಜಿಎಸ್‌ಐ ಪಶ್ಚಿಮಘಟ್ಟಗಳಲ್ಲಿ ಭೂಕುಸಿತ ಅಧ್ಯಯನವನ್ನು ನಡೆಸುತ್ತಿದೆ.