ಕಪ್ಪರಗಾಂವ ಗ್ರಾಮದಲ್ಲೇ ಕೇಂದ್ರ ಸ್ಥಾಪಿಸಿ

ಹುಮನಾಬಾದ: ಕಪ್ಪರಗಾಂವ ಗ್ರಾಮಸ್ಥರು ಗ್ರಾಪಂ ಚುನಾವಣೆ ಬಹಿಷ್ಕರಿಸಿದ ಕುರಿತು ಹಾಗೂ ಗ್ರಾಮದಲ್ಲಿ ಪಂಚಾಯಿತಿ ಕೇಂದ್ರವಾಗಿ ಮಾಡುವಂತೆ ಒತ್ತಾಯಿಸಿ ರವಿವಾರ ಶಾಸಕ ರಾಜಶೇಖರಪಾಟೀಲ ಅವರಿಗೆ ಮನವಿ ಸಲ್ಲಿಸಿದರು.

ಪಟ್ಟಣದ ಶಾಸಕರ ಭವನದಲ್ಲಿ ಭೇಟಿಯಾದ ಗ್ರಾಮಸ್ಥರು, ಪಂಚಾಯಿತಿ ಕೆಲಸಗಳಿಗಾಗಿ ಗ್ರಾಮಸ್ಥರು ಸುಮಾರು 10 ಕಿ.ಮೀ ದೂರ ಅಲೆಯುವ ಸ್ಥಿತಿ ಇದೆ. ನಂದಗಾವ ಗ್ರಾಮಕ್ಕೆ ನೇರವಾಗಿ ತೆರಳುವವಾಹನಗಳ ಸೇವೆ ಇಲ್ಲ. ಖಾಸಗಿ ವಾಹನಗಳಮೂಲಕ ಹುಡಗಿ ಗ್ರಾಮಕ್ಕೆ ತೆರಳಿ, ನಂತರಅಲ್ಲಿಂದ ಆಟೋ ಮೂಲಕ ನಂದಗಾಂವ ಗ್ರಾಮಕ್ಕೆ ಹೋಗಬೇಕಾದ ಸ್ಥಿತಿ ಇದ್ದು, ಕಪ್ಪರಗಾಂವ ಗ್ರಾಮದಲ್ಲಿಯೇ ಪಂಚಾಯಿತಿಕೇಂದ್ರವಾಗಿ ಮಾಡಬೇಕು ಎಂದು ಒತ್ತಾಯಿಸಿದರು.

ಗ್ರಾಮಸ್ಥರ ಬೇಡಿಕೆ ಆಲಿಸಿದ ಶಾಸಕ ರಾಜಶೇಖರ ಪಾಟೀಲ,ಈ ಕುರಿತು ಮುಖ್ಯಮಂತ್ರಿಹಾಗೂ ಸಂಬಂಧಿಸಿದ ಸಚಿವರನ್ನು ಭೇಟಿ ಮಾಡಿ ಮನವಿ ಮಾಡುವೆ. ಗ್ರಾಮಸ್ಥರು ಚುನಾವಣೆ ಬಹಿಷ್ಕರಿಸಿದ ಕುರಿತು ಗಮನ ಸೆಳೆಯುವ ಮೂಲಕ ನ್ಯಾಯ ಒದಗಿಸಲು ಪ್ರಯತ್ನ ಮಾಡುವುದಾಗಿ ತಿಳಿಸಿದರು. ಕ್ಷೇತ್ರದಲ್ಲಿ ಎಲ್ಲ ಗ್ರಾಮಗಳಅಭಿವೃದ್ಧಿಗೆ ಹೆಚ್ಚಿನ ಒತ್ತು ನೀಡಿದ್ದು,ಕಪ್ಪರಗಾಂವ ಗ್ರಾಮದಲ್ಲಿಯೂ ವಿವಿಧ ಅಭಿವೃದ್ಧಿ ಕಾರ್ಯ ಮಾಡಲಾಗಿದೆ ಎಂದು ಹೇಳಿದರು.