ಹುತಾತ್ಮನ ಪತ್ನಿ ಮರು ವಿವಾಹ ಆದರೂ ಸಿಗುತ್ತೆ ಮಾಸಾಶನ

ನವದೆಹಲಿ: ಶೌರ್ಯ ಪ್ರಶಸ್ತಿ ಪುರಸ್ಕೃತ ಹುತಾತ್ಮ ಯೋಧರ ಪತ್ನಿ ಮರು ವಿವಾಹವಾದರೂ ಮಾಸಾಶನ ನೀಡಲು ಕೇಂದ್ರ ರಕ್ಷಣಾ ಇಲಾಖೆ ನಿರ್ಧರಿಸಿದೆ.

ಈ ಹಿಂದೆ ಹುತಾತ್ಮ ಯೋಧರ ಸೋದರನನ್ನು ಹೊರತು ಪಡಿಸಿ ಇತರರನ್ನು ವಿವಾಹವಾದರೆ ಮಾಸಾಶನ ಸ್ಥಗಿತಗೊಳಿಸಲಾಗುತ್ತಿತ್ತು. ಆದರೆ ಈಗ ಪತ್ನಿಯ ಜೀವಿತಾವಧಿಯವರೆಗೂ ಮಾಸಾಶನ ನೀಡಲು ನಿರ್ಧರಿಸಲಾಗಿದೆ. ಸೇನಾ ಪಡೆಯ ವಿವಿಧ ವಿಭಾಗಗಳು ನೀಡಿದ ಪ್ರಸ್ತಾವನೆಯನ್ನು ಆಧರಿಸಿ ಈ ನಿರ್ಧಾರ ಕೈಗೊಳ್ಳಲಾಗಿದೆ. 1972ರಿಂದಲೂ ಈ ಮಾಸಾಶನ ನೀಡಲಾಗುತ್ತಿದೆ.