Digitisation: ಡಿಜಿಟಲೀಕರಣದಿಂದ 5.8 ಕೋಟಿ ನಕಲಿ ಪಡಿತರ ಚೀಟಿ ರದ್ದು!

ಹೊಸದಿಲ್ಲಿ: ದೇಶದಲ್ಲಿ ಪಡಿತರ ಚೀಟಿ ಡಿಜಿಟಲೀಕರಣ ಕ್ರಮಗಳಿಂದಾಗಿ 5.8 ಕೋಟಿ ನಕಲಿ ಪಡಿತರ ಚೀಟಿಗಳನ್ನು ರದ್ದುಗೊಳಿಸಲಾಗಿದೆ. ಈ ಬಗ್ಗೆ ಕೇಂದ್ರ ಆಹಾರ ಸಚಿವಾಲಯ ಬುಧವಾರ ಮಾಹಿತಿ ನೀಡಿದೆ.

ಕರ್ನಾಟಕದಲ್ಲಿ ಬಿಪಿಎಲ್‌ ಕಾರ್ಡ್‌ ರದ್ದು ವಿವಾದ ಭುಗಿಲೆದ್ದಿರುವಂತೆಯೇ ಕೇಂದ್ರದಿಂದಲೇ ಈ ಮಾಹಿತಿ ಪ್ರಕಟವಾಗಿರುವುದು ಮಹತ್ವ ಪಡೆದಿದೆ. ದೇಶಾದ್ಯಂತ 80.6 ಕೋಟಿ ಸಾರ್ವಜನಿಕ ವಿತರಣ ವ್ಯವಸ್ಥೆ (ಪಿಡಿಎಸ್‌) ಫ‌ಲಾನುಭವಿಗಳಿದ್ದಾರೆ. ಆದರೆ ಆಧಾರ್‌ ಆಧಾರಿತ ದೃಢೀಕರಣ ಮತ್ತು ಇಕೆವೈಸಿ ವಿಧಾನಗಳ ಮೂಲಕ ಪರಿಶೀಲನೆ ನಡೆಸಿ 5.8 ಕೋಟಿ ನಕಲಿ ಪಡಿತರ ಚೀಟಿ ರದ್ದುಪಡಿಸಲಾಗಿದೆ. ಈ ಮೂಲಕ ಸಂಪನ್ಮೂಲ ಸೋರಿಕೆ ಹಾಗೂ ಫ‌ಲಾನುಭವಿಗಳಿಗೆ ಯೋಜನೆಗಳು ತಲುಪಲು ಸಹಾಯಕವಾಗಿದೆ ಎಂದು ಸಚಿವಾಲಯ ತಿಳಿಸಿದೆ.