ಸ್ಯಾನಿಟೈಸರ್‌ ಸಿಂಪಡಣಾ ಘಟಕ ಲೋಕಾರ್ಪಣೆ

ಗೋಕಾಕ: ನಗರದ ಬಸವೇಶ್ವರ ವೃತ್ತದಲ್ಲಿ  ಕೋವಿಡ್ ಸೋಂಕು ನಿಯಂತ್ರಣಗೊಳಿಸಲು ಬಾಡಿ ಸ್ಯಾನಿಟೈಸರ್‌ (ದ್ರಾವಣ) ಸಿಂಪಡಣಾ ಘಟಕವನ್ನು ಶುಕ್ರವಾರ ಜಲಸಂಪನ್ಮೂಲ ಸಚಿವ ರಮೇಶ ಜಾರಕಿಹೊಳಿ ಉದ್ಘಾಟಿಸಿದರು.

ನಂತರ ಮಾತನಾಡಿದ ಅವರು, ಅಗತ್ಯ ವಸ್ತುಗಳಿಗೆ ಮನೆಯಿಂದ ಹೊರಬರುವವರು ಈ ಮಾರ್ಗದ ಮೂಲಕ ತೆರಳುವಂತೆ ಜಾಗೃತಿ ಮೂಡಿಸಬೇಕು. ಸಾಮಾಜಿಕ ಅಂತರ ಕಾಯ್ದುಕೊಂಡು ಜನರು ಈ ಮಾರ್ಗದಲ್ಲಿ ಪ್ರವೇಶಿಸಬೇಕು. ನಗರದ ಇನ್ನುಳಿದ ಪ್ರಮುಖ ಸ್ಥಳಗಳಲ್ಲಿ ಇನ್ನೊಂದೆರಡು ದ್ರಾವಣ ಸಿಂಪಡಣಾ
ಕೇಂದ್ರಗಳನ್ನು ತೆರೆಯಲು ನಗರಸಭೆ ಅಧಿಕಾರಿಗಳಿಗೆ ಸೂಚಿಸಿದರು. ಈ ಸಂದರ್ಭದಲ್ಲಿ ಡಿವೈಎಸ್‌ಪಿ ಪ್ರಭು ಡಿ.ಟಿ., ಪೌರಾಯುಕ್ತ ಶಿವಾನಂದ ಹಿರೇಮಠ,
ಎಂ.ಎಚ್‌. ಗಜಾಕೋಶ, ಮುಖಂಡರಾದ ಸೋಮಶೇಖರ್‌ ಮಗದುಮ್ಮ, ಮಹಾಂತೇಶ ತಾಂವಶಿ ಇದ್ದರು.