ಪೊಲೀಸರ ಕಣ್ತಪ್ಪಿಸಿ ಫಾಲ್ಸ್‌ ವೀಕ್ಷಣೆ

ಗೋಕಾಕ: ಗೋಕಾಕ ಫಾಲ್ಸ್‌ ಹಾಗೂ ಗೋಡಚಿನಮಲ್ಕಿ ಜಲಪಾತಗಳ ವೀಕ್ಷಣೆಗೆ ವಾರಾಂತ್ಯ ಹಾಗೂ ರಜಾದಿನಗಳಂದು ವೀಕ್ಷಣೆಗೆ ನಿರ್ಬಂಧವಿದ್ದರೂ ಪೊಲೀಸರ ಕಣ್ತಪ್ಪಿಸಿ ಪ್ರವಾಸಿಗರು ಜಲಪಾತ ವೀಕ್ಷಣೆಗೆ ಮುಂದಾಗಿದ್ದಾರೆ.

ಕೊರೊನಾ ಹೆಚ್ಚಾಗುವ ಆತಂಕದಿಂದ ಕಳೆದ ಗುರುವಾರವಷ್ಟೇ ಜಿಲ್ಲಾಡಳಿತ ತಾಲೂಕಿನ ಗೋಕಾಕ ಫಾಲ್ಸ್‌, ಗೋಡಚಿನಮಲ್ಕಿ ಜಲಪಾತಗಳ ವೀಕ್ಷಣೆಗೆ ನಿರ್ಬಂಧ ಹೇರಿತ್ತು. ಆದರೂ ಕ್ಯಾರೇ ಎನ್ನದ ಪ್ರವಾಸಿಗರು ವಾರಾಂತ್ಯದಲ್ಲಿ ಜಲಪಾತದ ವ್ಯೂವ್‌ ಪಾಯಿಂಟ್‌ಗಳಲ್ಲಿ ಸೇರಿ ಜಲಪಾತ ವೀಕ್ಷಿಸಿದರು.

ವಾರಾಂತ್ಯದಲ್ಲಿ ಜಿಲ್ಲೆಯ ಬೆಳಗಾವಿ, ಹುಕ್ಕೇರಿ, ನಿಪ್ಪಾಣಿ, ಚಿಕ್ಕೋಡಿ, ಸವದತ್ತಿ, ಬೆ„ಲಹೊಂಗಲ ಅಲ್ಲದೇ ಹೊರ ಜಿಲ್ಲೆಗಳಿಂದಲೂ ಜನರು ಬೆಳ್ಳಂಬೆಳಿಗ್ಗೆ ಆಗಮಿಸಿದ್ದರು. ತಕ್ಷಣವೇ ಎಚ್ಚೆತ್ತ ಸ್ಥಳೀಯ ಪೊಲೀಸರು ಪ್ರವಾಸಿಗರನ್ನು ಮರಳಿ ಕಳಿಸಲು ಹರಸಾಹಸ ಪಡಬೇಕಾಯಿತು.