ರಾಯರ ಆಶೀರ್ವಾದ: ಮೇಘನಾ-ಚಿರು ಮಗು ಬಗ್ಗೆ ನವರಸ ನಾಯಕ ಜಗ್ಗೇಶ್ ಮೊದಲ ಮಾತು

ಬೆಂಗಳೂರು: ನಟಿ ಮೇಘನಾರಾಜ್ ಗಂಡು ಮಗುವಿಗೆ ಜನ್ಮ ನೀಡಿದ್ದ ಹಿನ್ನೆಲೆಯಲ್ಲಿ ನವರಸ ನಾಯಕ ಜಗ್ಗೇಶ್ ಅವರು ಟ್ವೀಟ್ ಮೂಲಕ ತಮ್ಮ ಅಭಿಪ್ರಾಯ ವ್ಯಕ್ತಡಿಸಿದ್ದಾರೆ.

ಜಗ್ಗೇಶ್ ಟ್ವೀಟ್ ನಲ್ಲೇನಿದೆ:

“ಮೇಘನಾಗೆ ಗಂಡು ಮಗು ಆಯಿತು ಎಂದು ತಿಳಿದು ತುಂಬ ಖುಷಿಯಾಯಿತು. ನಿನ್ನೆ ಅರ್ಜುನ್ ಸರ್ಜಾ, ನಾನು ದೂರವಾಣಿಯಲ್ಲಿ ಮೇಘನ ಬಗ್ಗೆ ಮಾತನಾಡುತ್ತಿದ್ದೇವು ಪಾಪ ಚಿರು ನೆನೆದು ಬಹಳ ಸಂಕಟಪಟ್ಟರು ಅರ್ಜುನ್. ದೇವರು ಕರುಣಾಮಯ ಮತ್ತೆ ಚಿರು ಹುಟ್ಟಿಬಂದ ಅನ್ನಿಸಿತು.

ಮಗುವಿಗೆ ರಾಯರು ಆಯುಆರೋಗ್ಯ ಕರುಣಿಸಿ ಶ್ರೇಷ್ಠ ಸಾಧಕನಾಗಲಿ ಎಂದು ಪ್ರಾರ್ಥನೆ. Godblessಮೇಘನ” ಎಂದು ಟ್ವೀಟ್ ಮಾಡಿದ್ದಾರೆ.

ಕಳೆದ ಜೂನ್ ತಿಂಗಳಿನಲ್ಲಿ ಚಿರಂಜೀವಿ ಸರ್ಜಾ ನಿಧನರಾಗಿದ್ದ ವೇಳೆ ಪತ್ನಿ ಮೇಘನಾ ಗರ್ಭಿಣಿಯಾಗಿದ್ದಳು. ಅಲ್ಲದೇ ತನಗೆ ಗಂಡು ಮಗುವೇ ಜನಿಸುತ್ತದೆ ಎಂದು ಚಿರು ಹೇಳಿರುವುದಾಗಿ ಮೇಘನಾ ಟ್ವೀಟ್ ಮಾಡಿದ್ದರು. ನಿರೀಕ್ಷೆಯಂತೆ ಗುರುವಾರ(ಅಕ್ಟೋಬರ್ 22, 2020) ಮೇಘನಾ ಗಂಡು ಮಗುವಿಗೆ ಜನ್ಮ ನೀಡಿದ್ದು, ಕುಟುಂಬ ಸದಸ್ಯರಲ್ಲಿ, ಚಿರು ಅಭಿಮಾನಿಗಳಲ್ಲಿ ಸಂತಸ ಮನೆ ಮಾಡಿತ್ತು.