ಗೋವಾ: ಗೋಮಾಂಸ ಕೊರತೆ: ಕರ್ನಾಟಕದಿಂದ ಆಮದು ಬಂದ್‌

ಪಣಜಿ : ಪ್ರವಾಸಿಗರ ಸ್ವರ್ಗ ಎಂದೇ ಖ್ಯಾತಿವೆತ್ತಿರುವ ಗೋವೆಯಲ್ಲೀಗ ದನದ ಮಾಂಸದ ತೀವ್ರ ಕೊರತೆ ಉಂಟಾಗಿದೆ. 

ಗೋವೆಯಲ್ಲಿನ ಮಾಂಸ ಮಾರಾಟಗಾರರು ಕರ್ನಾಟಕದ ಬೆಳಗಾವಿಯಿಂದ ದನದ ಮಾಂಸವನ್ನು ತರಿಸಿಕೊಳ್ಳುವುದನ್ನು ನಿಲ್ಲಿಸಿರುವುದೇ ಇದಕ್ಕೆ ಕಾರಣವಾಗಿದೆ. 

ಗೋ ರಕ್ಷಕರ ಸಮೂಹವು ನೀಡುತ್ತಿರುವ ಕಿರುಕುಳವನ್ನು ನಿಲ್ಲಿಸಲು ಗೋವೆಯ ಸರಕಾರ ಸೂಕ್ತ ಕ್ರಮ ತೆಗೆದುಕೊಳ್ಳುವ ತನಕ ತಾವು ದನದ ಮಾಂಸವನ್ನು ಕರ್ನಾಟಕದಿಂದ ಆಮದಿಸಿಕೊಳ್ಳುವುದಿಲ್ಲ ಎಂದು ಗೋವೆಯ ಮಾಂಸ ಮಾರಾಟಗಾರರ ಸಂಘ ಹೇಳಿದೆ.