Advertisement
ಈ ಅಚ್ಚರಿಯನ್ನು ನೋಡಬೇಕೆಂದರೆ ನೀವು ಹಲಗೂರಿಗೆ ಬರಬೇಕು. ಮಂಡ್ಯ ಜಿಲ್ಲೆ ಮಳವಳ್ಳಿಯಿಂದ ಮುತ್ತತ್ತಿಗೆ ಹೋಗುವ ದಾರಿಯಲ್ಲಿ ಸೆಂಟರ್‌ ಪಾಯಿಂಟ್‌ ಥರಾ ಸಿಗುವ ಸ್ಥಳವೇ ಹಲಗೂರು. ಮುತ್ತತ್ತಿಗೆ ಹೋಗುವ ಮುಖ್ಯರಸ್ತೆಯಲ್ಲೇ ಈ ಹೋಟೆಲ್‌ ಇದೆ.
Related Articles
Advertisement
ಹಳ್ಳಿ ಜನ ಅಂದಮೇಲೆ ಕೇಳಬೇಕೆ? ಅವರೆಲ್ಲ ದನ-ಕರು, ಕುರಿ-ಆಡುಗಳನ್ನೆಲ್ಲ ಮೇಯಲು ಬಿಟ್ಟು ಮತ್ತೆಲ್ಲೋ ಹರಟುತ್ತ ಕೂತುಬಿಡುತ್ತಿದ್ದರಂತೆ. ಮೇಯಲು ಬಂದ ಜಾನುವಾರುಗಳು ಕೆಲವೊಮ್ಮೆ ಸೀದಾ ಹೋಟೆಲಿಗೇ ಬರುತ್ತಿದ್ದವಂತೆ. ನೋಡುವಷ್ಟು ದಿನ ನೋಡಿದ ಶಿವಣ್ಣ, ಕಡೆಗೊಮ್ಮೆ ಆ ಜಾನುವಾರಗಳನ್ನೆಲ್ಲ ಕಟ್ಟಿ ಹಾಕಿ, ಅವುಗಳ ಮಾಲೀಕರಿಗೆ ಪೋಲಿ ಮಾತುಗಳಲ್ಲೇ ಬೈಯ್ದರಂತೆ. ಅಂದಿನಿಂದ ಜನ ಅವಲರಿಗೆ ಪೋಲಿ ಹೋಟೆಲ್‌ ಶಿವಣ್ಣ ಎಂದು ಹೆಸರಿಟ್ಟರಂತೆ.
ಶಿವಣ್ಣ ಅವರ ತರುವಾಯ ಅವರ ಮಗ ನಾಗರಾಜು ಹೋಟೆಲಿನ ಓನರ್‌ ಆದರು. ಈ ಸಂದರ್ಭದಲ್ಲಿಯೇ, ಇದೇ ಹೋಟೆಲಿನ ಹಿಂದೆ ಬೋರ್‌ವೆಲ್‌ ಯಂತ್ರ ಕೊರೆಸುವ ಶಾಪ್‌ ಆರಂಭವಾಗಿದೆ. ಅವರು ಅಡ್ರೆಸ್‌ ಬರೆಸುವಾಗ, ಪೋಲಿ ಹೋಟೆಲ್‌ ಹಿಂಭಾಗ ಎಂದು ಬರೆಸಿದರಂತೆ. ಅಂದಿನಿಂತ ಇದು ಪೋಲಿ ಹೋಟೆಲ್‌ ಎಂದೇ ಹೆಸರಾಗಿದೆ.
ಇಲ್ಲಿ ಸಿಗುವ ಸೆಟ್‌ ದೋಸೆ, ಬೆಣ್ಣೆ ದೋಸೆ, ಕೆಂಪು ಚಟ್ನಿಗೆ ಮರುಳಾಗದವರಿಲ್ಲ. ಬೆಳಗಿನಿಂದ ಸಂಜೆಯವರೆಗೂ ದೋಸೆ ಸಿಗುತ್ತದೆ. ಸಾದಾ ದೋಸೆಗೆ 40 ಹಾಗೂ ಬೆಣ್ಣೆ ದೋಸೆಗೆ 50ರೂ. ಉಪ್ಪಿಟ್ಟು, ರೈಸ್‌ಬಾತ್‌ ಹಾಗೂ ಮಿನಿ ಮೀಲ್ಸ್‌ಗೆ 25 ರೂ. ದರವಿದೆ.
ಈ ಹೋಟೆಲಿನ ತಿಂಡಿ ಅದೆಷ್ಟು ರುಚಿಯಾಗಿದೆ ಅಂದರೆ, ಶೂಟಿಂಗ್‌ಗೆಂದು ಮುತ್ತತ್ತಿ ಅಥವಾ ಶಿವನಸಮುದ್ರಕ್ಕೆ ಹೋಗುವಾಗ, ನಟರಾದ ಶಿವರಾಜ್‌ಕುಮಾರ್‌, ಪುನೀತ್‌ ರಾಜ್‌ಕುಮಾರ್‌, ಸುದೀಪ್‌ ಸೇರಿದಂತೆ ಹಲವರು ತಪ್ಪದೇ ಇಲ್ಲಿಗೆ ಬಂದು ಬೆಣ್ಣೆ ದೋಸೆ ತಿಂದೇ ಹೋಗುತ್ತಾರೆ.
ಪೋಲಿ ಹೋಟೆಲ್‌ ಎಂಬುದು ಹೋಟೆಲಿನ ಹೆಸರಷ್ಟೇ ಆಗಿದೆ. ಹೋಟೆಲಿನ ಒಳಗೆ ಸಭ್ಯರೇ ಇರುತ್ತಾರೆ. ಮುತ್ತತ್ತಿಯ ಕಡೆಗೆ ಟ್ರಿಪ್‌ ಹೋದರೆ, ಪೋಲಿ ಹೋಟೆಲಿಗೂ ಹೋಗಿಬರಲು ಮರೆಯಬೇಡಿ.
– ಜಗದೀಶ್‌ ಮಂಡ್ಯ