ಜಿಡಿಪಿ ಪ್ರಗತಿ ಇಳಿಕೆ ಸಾಧ್ಯತೆ: ಎನ್‌ಎಸ್‌ಒ

ನವದೆಹಲಿ:2022- 23ನೇ ಹಣಕಾಸು ವರ್ಷದಲ್ಲಿ ಭಾರತದ ಆರ್ಥಿಕತೆಯು ಶೇ.7ರಷ್ಟು ಪ್ರಗತಿ ದಾಖಲಿಸುವ ಸಾಧ್ಯತೆಯಿದೆ.

ಉತ್ಪಾದನಾ ವಲಯದ ಕಳಪೆ ಸಾಧನೆ ಹಿನ್ನೆಲೆಯಲ್ಲಿ ಪ್ರಗತಿಯಲ್ಲಿ ಕುಸಿತ ಕಾಣಲಿದೆ ಎಂದು ರಾಷ್ಟ್ರೀಯ ಸಾಂಖ್ಯಿಕ ಕಾರ್ಯಾಲಯ(ಎನ್‌ಎಸ್‌ಒ) ಹೇಳಿದೆ.

ಕಳೆದ ವಿತ್ತೀಯ ವರ್ಷದಲ್ಲಿ ಭಾರತದ ಆರ್ಥಿಕತೆಯು ಶೇ.8.7ರಷ್ಟು ಅಭಿವೃದ್ಧಿ ಕಂಡಿತ್ತು. 2021-22ರಲ್ಲಿ ದೇಶದ ಉತ್ಪಾದನಾ ವಲಯವು ಶೇ.9.9ರಷ್ಟು ಏರಿಕೆಯಾಗಿತ್ತು. ಆದರೆ, ಈ ಬಾರಿ ಇದು ಶೇ.1.6ಕ್ಕೆ ಇಳಿಕೆಯಾಗಲಿದೆ ಎಂದೂ ಎನ್‌ಎಸ್‌ಒ ದತ್ತಾಂಶ ಅಂದಾಜಿಸಿದೆ.