GDP ಕುಸಿತ: ಆರ್ಥಿಕ ಹಿಂಜರಿತದತ್ತ ನ್ಯೂಜಿಲ್ಯಾಂಡ್‌

ಸಿಡ್ನಿ: ಪ್ರಸಕ್ತ ಹಣಕಾಸು ವರ್ಷದ 3ನೇ ತ್ತೈಮಾಸಿಕದಲ್ಲಿ ಆರ್ಥಿಕಾಭಿವೃದ್ಧಿ ದರ ಕುಸಿತ ದಾಖಲಿಸಿದ್ದರಿಂದ ನ್ಯೂಜಿಲ್ಯಾಂಡ್‌ ಆರ್ಥಿಕ ಹಿಂಜರಿತದ ಅಂಚಿಗೆಬಂದು ತಲುಪಿದೆ.

ಗುರುವಾರ ಬಿಡುಗಡೆ ಮಾಡಲಾದ ಅಂಕಿ ಸಂಖ್ಯೆಗಳ ಪ್ರಕಾರ, ನ್ಯೂಜಿಲೆಂಡ್‌ನ‌ ಜಿಡಿಪಿ 3ನೇ ತ್ತೈಮಾಸಿಕದಲ್ಲಿ ಶೇ.1.0ರಷ್ಟು ಕುಸಿತ ದಾಖಲಿಸಿದೆ. ಈ ಮೊದಲು ಶೇ.0.2ರಷ್ಟು ಕುಸಿಯಲಿದೆ ಎಂದು ಅಂದಾಜಿಸಲಾಗಿತ್ತು. ಆದರೆ ನಿರೀಕ್ಷೆಗಿಂತ ಹೆಚ್ಚಿನ ಪ್ರಮಾಣದಲ್ಲಿ ಕುಸಿತ ದಾಖಲಿಸಿರುವುದು ನ್ಯೂಜಿಲ್ಯಾಂಡ್‌ಗೆ ಸಂಕಷ್ಟ ತಂದೊಡ್ಡಿದೆ.

ಜಿಡಿಪಿ ಕುಸಿತದ ಪರಿಣಾಮ ನ್ಯೂಜಿಲ್ಯಾಂಡ್‌ನ‌ ರಿಸರ್ವ್‌ ಬ್ಯಾಂಕ್‌ ಮತ್ತೆ ಬಡ್ಡಿ ದರಗಳನ್ನು ಕಡಿತಗೊಳಿಸುವ ಇರಾದೆ ವ್ಯಕ್ತಪಡಿಸಿದೆ. ಕೋವಿಡ್‌ ಕಾಲಘಟ್ಟ ಹೊರತುಪಡಿಸಿ ನ್ಯೂಜಿಲ್ಯಾಂಡ್‌ 1991ರ ಬಳಿಕ  ಮೊದಲ ಬಾರಿಗೆ ಕನಿಷ್ಠ ಜಿಡಿಪಿಯನ್ನು ದಾಖಲಿಸಿದೆ.