ಚೀನವನ್ನು ಹಿಂದಿಕ್ಕಲಿದೆ ಭಾರತದ ಜಿಡಿಪಿ!

ಹೊಸದಿಲ್ಲಿ: ದೇಶದ ಆರ್ಥಿಕತೆ ಮತ್ತೆ ಹಳಿಗೆ ಬರುತ್ತಿದ್ದು, 2021-22ನೇ ಸಾಲಿನಲ್ಲಿ ಜಿಡಿಪಿ ದರ ಶೇ. 12.6 ಮಟ್ಟ ತಲುಪಲಿದೆ ಎಂದು ಆರ್ಥಿಕ ಸಹಕಾರ ಮತ್ತು ಅಭಿವೃದ್ಧಿ ಸಂಸ್ಥೆ (ಒಇಸಿಡಿ) ಅಂದಾಜಿಸಿದೆ.

ಜಿಡಿಪಿ ಬೆಳವಣಿಗೆ ಶೇ. 12.6ರಷ್ಟು ಆಗಲಿದೆ. ಈ ಮೂಲಕ ಜಗತ್ತಿನಲ್ಲೇ ಅತ್ಯಂತ ವೇಗವಾಗಿ ಅಭಿವೃದ್ಧಿ ಕಾಣುತ್ತಿರುವ ಆರ್ಥಿಕತೆ ಎಂಬ ಹೆಗ್ಗಳಿಕೆಗೂ ಭಾರತ ಪಾತ್ರವಾಗಲಿದೆ. 2021-22ರಲ್ಲಿ ಚೀನದ ಆರ್ಥಿಕತೆ ಶೇ. 7.8ರಷ್ಟು ಬೆಳವಣಿಗೆ ಕಾಣಲಿದ್ದು, 2ನೇ ಸ್ಥಾನಕ್ಕೆ ಕುಸಿಯಲಿದೆ ಎಂದು ಒಇಸಿಡಿ ವರದಿ ತಿಳಿಸಿದೆ.

ಒಇ ಸಿಡಿ ವರದಿ ಪ್ರಕಾರ, ಜಗತ್ತಿನ ಬಹುತೇಕ ಎಲ್ಲ ರಾಷ್ಟ್ರಗಳೂ 2021-22ರ ಅವಧಿಯಲ್ಲಿ ಹೆಚ್ಚಿನ ಪ್ರಗತಿ ಕಾಣಲಿವೆ. ಇದಕ್ಕೆ ಕಾರಣ ಒಂದು ಲಸಿಕೆ ನೀಡಿಕೆ ಮತ್ತು ಸರಕಾರಗಳು ಘೋಷಿಸುತ್ತಿರುವ ಪ್ರೋತ್ಸಾಹ ಪ್ಯಾಕೇಜ್ಗಳು ಎಂದು ಹೇಳಿದೆ.