ಫ್ಯೂಮಿಯೋ: ಜಪಾನ್‌ ಹೊಸ ಪಿಎಂ

ಟೋಕಿಯೊ: ಜಪಾನ್‌ನ ನೂತನ ಪ್ರಧಾನಿಯಾಗಿ ಅಲ್ಲಿನ ಫ್ಯೂಮಿಯೋ ಕಿಶಿದಾ (64) ಬುಧವಾರ ಆಯ್ಕೆಯಾಗಿದ್ದಾರೆ.

ವಿದೇಶಾಂಗ ಖಾತೆಯ ಮಾಜಿ ಸಚಿವರೂ ಆಗಿರುವ ಕಿಶಿದಾ ಅವರ ಹೆಸರು ಆಡಳಿತಾರೂಢ‌ ಪಕ್ಷದ ಲಿಬರಲ್‌ ಡೆಮಾಕ್ರಾಟಿಕ್‌ ಪಾರ್ಟಿಯ ಸಂಸದರ ಸಭೆಯಲ್ಲಿ ಪ್ರಸ್ತಾವ‌ಗೊಂಡು, ಅನುಮೋದನೆಯಾಗಿದೆ.

ಅಮೆರಿಕದ ಜತೆಗೆ ಉತ್ತಮ ಬಾಂಧವ್ಯ ಹೊಂದುವುದು, ಕೋವಿಡ್‌ ಸೋಂಕಿನಿಂದ ತತ್ತರಿಸಿರುವ ಜಪಾನ್‌ನ ಅರ್ಥ ವ್ಯವಸ್ಥೆಯನ್ನು ಸುಸ್ಥಿತಿಗೆ ತರುವುದು ನೂತನ ಪ್ರಧಾನಿ ಮುಂದೆ ಇರುವ ಸವಾಲುಗಳು. ಗಮನಾರ್ಹ ಅಂಶವೆಂದರೆ, ನ.28ರ ಮೊದಲು ಸಂಸತ್‌ ಚುನಾವಣೆ ನಡೆಯಬೇಕಾಗಿದೆ.

ಇದನ್ನೂ ಓದಿ:ಮ್ಯಾಕ್ಸ್‌ವೆಲ್‌ ಅಬ್ಬರದ ಬ್ಯಾಟಿಂಗ್‌ ; ಆರ್‌ಸಿಬಿ “ಟಾರ್ಗೆಟ್‌ 150′ ಯಶಸ್ವಿ