Fraud: ಬ್ಯಾಂಕ್‌-ಪ್ಯಾನ್‌ಕಾರ್ಡ್‌ ಲಿಂಕ್‌ ನೆಪದಲ್ಲಿ ಪ್ರಾಂಶುಪಾಲರಿಗೆ 2.3 ಲಕ್ಷ ರೂ. ಟೋಪಿ

ಬೆಂಗಳೂರು: ಬ್ಯಾಂಕ್‌ ಖಾತೆಗೆ ಪ್ಯಾನ್‌ಕಾರ್ಡ್‌ ಲಿಂಕ್‌ ಮಾಡಬೇಕಾಗಿ ಎಂದು ಬ್ಯಾಂಕ್‌ ಸಿಬ್ಬಂದಿ ಸೋಗಿನಲ್ಲಿ ಪ್ರಾಂಶುಪಾಲರೊಬ್ಬರಿಗೆ 2.32 ಲಕ್ಷ ರೂ. ವಂಚಿಸಿದ್ದಾರೆ.

ವಂಚನೆಗೊಳಗಾದ ಪ್ರಾಂಶುಪಾಲರಿಗೆ ಇತ್ತೀಚೆಗೆ ಬ್ಯಾಂಕ್‌ ಸಿಬ್ಬಂದಿ ಸೋಗಿನಲ್ಲಿ ಸಂದೇಶವೊಂದು ಬಂದಿತ್ತು. ನಿಮ್ಮ ಬ್ಯಾಂಕ್‌ ಖಾತೆಗೆ ಪಾನ್‌ ಕಾರ್ಡ್‌ ಜೋಡಣೆ ಮಾಡಿಸದಿದ್ದರೆ ಬ್ಯಾಂಕ್‌ ಖಾತೆ ನಿಷ್ಕ್ರಿಯವಾಗುತ್ತದೆ ಎಂಬುದಾಗಿ ಸಂದೇಶದಲ್ಲಿ ಉಲ್ಲೇಖೀಸಿ ಲಿಂಕ್‌ ಕ್ಲಿಕ್‌ ಮಾಡುವಂತೆ ಸೂಚಿಸಲಾಗಿತ್ತು. ಇದನ್ನು ನಂಬಿದ ಪ್ರಾಂಶುಪಾಲರು ಲಿಂಕ್‌ ಒತ್ತಿ ಅದರಲ್ಲಿರುವ ಮಾಹಿತಿ ಭರ್ತಿ ಮಾಡಿದ ತಕ್ಷಣ ಅವರ ಬ್ಯಾಂಕ್‌ ಖಾತೆಯಲ್ಲಿದ್ದ 2.32 ಲಕ್ಷ ಕಡಿತವಾಗಿದೆ. ಈ ಬಗ್ಗೆ ಅವರು ಪರಿಶೀಲಿಸಿದಾಗ ಇದು ಸೈಬರ್‌ ಕಳ್ಳರ ಕೈಚಳಕ ಎಂದು ತಿಳಿದು ಬಂದಿದೆ.