Foxconn – STMicro: ಫಾಕ್ಸ್‌ಕಾನ್‌ – ಎಸ್‌ಟಿಮೈಕ್ರೋ ಪಾಲುದಾರಿಕೆ?

ನವದೆಹಲಿ: ಖ್ಯಾತ ಟೆಕ್‌ ಸಂಸ್ಥೆ ಫಾಕ್ಸ್‌ಕಾನ್‌ ಗ್ರೂಪ್‌, ಎಸ್‌ಟಿಮೈಕ್ರೋಎಲೆಕ್ಟ್ರಾನಿಕ್ಸ್‌ ಎನ್‌ವಿ ಜತೆಗೆ ಸೇರಿ ಭಾರತದಲ್ಲಿ ಸೆಮಿ ಕಂಡಕ್ಟರ್‌ ಚಿಪ್‌ ಉತ್ಪಾದನಾ ಘಟಕ ಪ್ರಾರಂಭಿಸಲು ಯೋಜಿಸಿದೆ. ಇದಕ್ಕಾಗಿ ಒಟ್ಟಿಗೆ ಬಿಡ್ಡಿಂಗ್‌ ಮಾಡಲು ಚಿಂತಿಸಿದ್ದು, ಭಾರತದಿಂದ ಬೆಂಬಲ ಕೋರಲು ಬಯಸಿವೆ ಎಂದು ಬ್ಲೂಮ್‌ಬರ್ಗ್‌ ನ್ಯೂಸ್‌ ವರದಿ ಮಾಡಿದೆ.

ಆಟೋಮೊಬೈಲ್‌, ಕ್ಯಾಮೆರಾ, ಪ್ರಿಂಟರ್‌ ಸೇರಿದಂತೆ ಹಲವಾರು ವಸ್ತುಗಳಲ್ಲಿ ಬಳಸಲಾಗುವ 40ನ್ಯಾನೋಮೀಟರ್‌ ಚಿಪ್‌ಗ್ಳನ್ನು ಉತ್ಪಾದಿಸುವ ಘಟಕ ಸ್ಥಾಪನೆಗೆ ಉದ್ದೇಶಿಸಿ ಈ ಎರಡು ಸಂಸ್ಥೆಗಳು ಪಾಲುದಾರಿಕೆ ಹೊಂದಲು ಬಯಸಿವೆ. ಆದರೆ, ಈ ವಿಚಾರವನ್ನು ಉಭಯ ಸಂಸ್ಥೆಗಳು ಇನ್ನೂ ಖಾತರಿಪಡಿಸಿಲ್ಲ. ಈ ಹಿಂದೆ ವೇದಾಂತ್‌ ರಿಸೋರ್ಸಸ್‌ ಲಿಮಿಟೆಡ್‌ನೊಂದಿಗೆ ಪಾಲುದಾರಿಕೆ ಹೊಂದಲು ಫಾಕ್ಸ್‌ಕಾನ್‌ ಬಯಸಿತ್ತು. ಅದು ವಿಫ‌ಲವಾದ ಬಳಿಕ ಇದೀಗ ಮತ್ತೂಂದು ಯೋಜನೆಯತ್ತ ಕೈಚಾಚಿದೆ. ಇದು ಭಾರತದಲ್ಲಿ ಬೆಳೆಯುತ್ತಿರುವ ಸೆಮಿಕಂಡಕ್ಟರ್‌ ಮಾರುಕಟ್ಟೆಯಲ್ಲಿ ಫಾಕ್ಸ್‌ಕಾನ್‌ ತನ್ನ ಅಸ್ತಿತ್ವ ವಿಸ್ತರಿಸಲು ಬಯಸುತ್ತಿರುವುದಕ್ಕೆ ನಿದರ್ಶನವೆಂದು ಹೇಳಲಾಗಿದೆ.