Perla ಶೇಣಿಯಲ್ಲಿ ನಾಲ್ಕು ಪಂಪ್‌ ಕಳವು : ದೂರು

ಪೆರ್ಲ: ಎಣ್ಮಕಜೆ ಪಂಚಾಯತ್‌ನ ಶೇಣಿಯಿಂದ ನಾಲ್ಕು ಪಂಪುಗಳನ್ನು ಕಳವು ಮಾಡಿದ ಘಟನೆ ನಡೆದಿದೆ. ಶೇಣಿ ಸದಾಶಿವ ಆಚಾರ್ಯ ಅವರ ಎರಡು ಪಂಪು, ರಘರಾಮ ಬೋರ್ಕರ್‌ ಮತ್ತು ಅಬ್ದುಲ್ಲ ಅವರ ತಲಾ ಒಂದೊಂದು ಪಂಪು ಕಳವುಗೈದ ಬಗ್ಗೆ ಬದಿಯಡ್ಕ ಪೋಲಿಸರಿಗೆ ದೂರು ನೀಡಲಾಗಿದೆ.

ಬೇಸಿಗೆಯಲ್ಲಿ ತೋಟಗಳಿಗೆ ನೀರು ಬಿಡಲು ಉಪಯೋಗಿಸುತ್ತಿದ್ದ ಪಂಪ್‌ ಗಳನ್ನು ಇಲ್ಲಿನ ತೋಟದ ಶೆಡ್‌ ಹಾಗೂ ಜನ ವಾಸ ಇಲ್ಲದ ಮನೆಯೊಳಗೆ ಇರಿಸಲಾಗಿತ್ತು.

ಈ ನಡುವೆ ಸ್ಥಳಕ್ಕೆ ತೆರಳಿದ ಪಂಪಿನ ವಾರೀಸುದಾರರಿಗೆ ಸ್ಥಳದಲ್ಲಿದ್ದ ಪಂಪ್‌ ಗಳನ್ನು ಕಳವುಗೈದ ಬಗ್ಗೆ ತಿಳಿದು ಬಂದಿತ್ತು. ಒಟ್ಟು ನಾಲ್ಕು ಪಂಪ್‌ಗಳಿಗೆ ಸುಮಾರು 80 ಸಾವಿರ ಬೆಲೆ ಬಾಳುವುದೆಂದು ಸಂಬಂಧಪಟ್ಟವರು ತಿಳಿಸಿದ್ದಾರೆ. ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.