Mangaluru: ಕಾರಿನ ಗಾಜು ಒಡೆದು ಕಳವು

ಮಂಗಳೂರು: ಕಾರಿನ ಗಾಜು ಒಡೆದು ಕಾರಿನೊಳಗಿದ್ದ ಲ್ಯಾಪ್‌ಟಾಪ್‌, ಆಭರಣ ಸಹಿತ ಹಲವು ಸೊತ್ತುಗಳನ್ನು ಕಳವು ಮಾಡಿದ ಘಟನೆ ಕಂಕನಾಡಿ ಮಾರ್ಕೆಟ್‌ ಬಳಿ ಸಂಭವಿಸಿದೆ.

ಡಿ. 8ರಂದು ರಾತ್ರಿ 8.15ಕ್ಕೆ ಚಾಲಕ ಹಾಗೂ ಇತರ ಇಬ್ಬರು ಕಾರನ್ನು ಕಂಕನಾಡಿ ಮಾರ್ಕೆಟ್‌ ಬಳಿ ಪಾರ್ಕ್‌ ಮಾಡಿ ರೆಸ್ಟೋರೆಂಟ್‌ಗೆ ತೆರಳಿ ಊಟ ಮಾಡಿ ವಾಪಸ್‌ 10.15ಕ್ಕೆ ಬಂದು ನೋಡಿದಾಗ ಕಾರಿನ ಡ್ಯಾಶ್‌ಬೋರ್ಡ್‌ ತೆರೆದ ಸ್ಥಿತಿಯಲ್ಲಿತ್ತು.

ಹಿಂದಿನ ಎಡಭಾಗದ ಗ್ಲಾಸ್‌ನ್ನು ಒಡೆದು ಸೀಟಿನಲ್ಲಿದ್ದ ಲ್ಯಾಪ್‌ಟಾಪ್‌, ವ್ಯಾನಿಟಿ ಬ್ಯಾಗ್‌ನಲ್ಲಿದ್ದ ಡೈಮಂಡ್‌ ಕರಿಮಣಿ, ಡೈಮಂಡ್‌ ರಿಂಗ್‌ಗಳು, ಡೈಮಂಡ್‌ ಕಿವಿಯೋಲೆ, ಎಟಿಎಂ ಕಾರ್ಡ್‌ ಹಾಗೂ ಇತರ ಹಲವು ದಾಖಲೆಗಳು ಸೇರಿದಂತೆ 4.80 ಲ.ರೂ. ಮೌಲ್ಯದ ಸೊತ್ತುಗಳನ್ನು ಕಳವು ಮಾಡಿರುವುದು ಗಮನಕ್ಕೆ ಬಂದಿದೆ.