ಐವರಲ್ಲಿ ನಾಲ್ವರು ಬಿಹಾರಿ ಮಹಿಳೆಯರು ಎಂದೂ ಇಂಟರ್ನೆಟ್ ಬಳಸಿಲ್ಲ!

ಮಣಿಪಾಲ: ಐದನೇ ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆಯ ಭಾಗವಾಗಿ ಸರ್ವೇ ಆಫ್ ಇಂಡಿಯಾ ಮಾಡಿದ ಸಮೀಕ್ಷೆಯಲ್ಲಿ ಬಿಹಾರಿ ಮಹಿಳೆಯರು ಅತೀ ಕಡಿಮೆ ಪ್ರಮಾಣದಲ್ಲಿ ಅಂತರ್ಜಾಲ ಬಳಕೆ ಮಾಡುತ್ತಾರೆ ಎಂಬ ಮಾಹಿತಿ ಬೆಳಕಿಗೆ ಬಂದಿದೆ.

ಬಿಹಾರದಲ್ಲಿ ಕೇವಲ ಶೇ. 20.6 ರಷ್ಟು ಮಹಿಳೆಯರ ಮಾತ್ರ ಅಂತರ್ಜಾಲ ಬಳಕೆ ಮಾಡುತ್ತಾರೆ ಎನ್ನುತ್ತದೆ ಸರ್ವೇ. ಮಹಿಳೆಯರ ಇಂಟರ್ನೆಟ್ ಬಳಕೆಯಲ್ಲಿ ಸಿಕ್ಕಿಂ ಮೊದಲ ಸ್ಥಾನದಲ್ಲಿದೆ. (ಶೇ. 76.7). ಪುರುಷರ ಅಂತರ್ಜಾಲ ಬಳಕೆಯಲ್ಲಿ ಮೇಘಾಲಯ ಕೊನೆಯ ಸ್ಥಾನದಲ್ಲಿದ್ದು, (ಶೇ. 42.1) ಹಾಗೂ ಅತೀ ಹೆಚ್ಚು ಗೋವಾ ಅತೀ ಹೆಚ್ಚು ಅಂದರೆ ಶೇ. 82.9 ರಷ್ಟು ಪುರುಷರು ಇಂಟರ್ನೆಟ್ ಬಳಕೆ ಮಾಡುತ್ತಾರೆ.

2019ರ ಕೊನೆಯಲ್ಲಿ ನಡೆಸಲಾದ ಸಮೀಕ್ಷೆ ಇದಾಗಿದ್ದು, ದೇಶದ ಒಟ್ಟು 22 ರಾಜ್ಯಗಳಲ್ಲಿ ಸಮೀಕ್ಷೆ ನಡೆಸಲಾಗಿದೆ. ಎರಡು ದೊಡ್ಡ ರಾಜ್ಯಗಳಾದ ಉತ್ತರ ಪ್ರದೇಶ ಮತ್ತು ರಾಜಸ್ಥಾನದಲ್ಲಿ ಸಮೀಕ್ಷೆ ನಡೆಸಲಾಗಿಲ್ಲ. ಮಹಿಳೆಯರು ಹಾಗೂ ಪುರುಷರು ಮತ್ತು ನಗರ ಹಾಗೂ ಗ್ರಾಮೀಣ ಪ್ರದೇಶಗಳ ನಡುವೆ ಸರ್ವೇ ಮಾಡಲಾಗಿದೆ. ಕೇಂದ್ರ ಸರಕಾರದ ಡಿಜಿಟಲ್‌ ಯೋಜನೆಗಳಿಗೆ ಈ ಸಮೀಕ್ಷೆ ಸಹಾಯಕವಾಗಲಿದೆ.

718.75 ಮಿಲಿಯನ್‌ ಇಂಟರ್‌ನೆಟ್‌ ಬಳಕೆದಾರರು

ಟೆಲಿಕಾಂ ರೆಗ್ಯುಲೇಟರಿ ಅಥಾರಿಟಿ ಆಫ್ ಇಂಡಿಯಾದ ಅಂಕಿ ಅಂಶಗಳ ಪ್ರಕಾರ 2019ರ ವೇಳೆಯಲ್ಲಿ ಭಾರತದಲ್ಲಿ 718.75 ಮಿಲಿಯನ್‌ ಇಂಟರ್‌ನೆಟ್‌ ಬಳಕೆದಾರರಿದ್ದು 2018ರಿಂದ ಶೇ. 19 ಹೆಚ್ಚಳವಾಗಿದೆ.

ಅತೀ ಕಡಿಮೆ ಅಂತರ್ಜಾಲ ಬಳಕೆ ಮಾಡುವ 5 ರಾಜ್ಯಗಳು (ಮಹಿಳೆಯರು)

1. ಬಿಹಾರ ಶೇ. 20.6

2. ಆಂಧ್ರಪ್ರದೇಶ ಶೇ.21

3. ತ್ರಿಪುರ ಶೇ. 22.9

4. ಪಶ್ಚಿಮಬಂಗಾಲ ಶೇ. 25.5

5. ತೆಲಂಗಾಣ ಶೇ. 26.5

ಇದನ್ನೂ ಓದಿ:ತುಕ್ಕು ಹಿಡಿಯುತ್ತಿವೆ ನಿರುಪಯುಕ್ತ ಸರಕಾರಿ ಆ್ಯಂಬುಲೆನ್ಸ್‌ಗಳು !

 ಅತೀ ಹೆಚ್ಚು ಅಂತರ್ಜಾಲ ಬಳಕೆ ಮಾಡುವ 5 ರಾಜ್ಯಗಳು (ಮಹಿಳೆಯರು)

1.ಸಿಕ್ಕಿಂ ಶೇ. 76.7

2.ಗೋವಾ ಶೇ. 73.7

3.ಮಿಜೋರಾಂ ಶೇ. 67.6

4.ಕೇರಳ ಶೇ .61.1

5.ಲಡಾಖ್‌ ಶೇ. 56.4

 

ಅತೀ ಕಡಿಮೆ ಅಂತರ್ಜಾಲ ಬಳಕೆ ಮಾಡುವ 5 ರಾಜ್ಯಗಳು (ಪುರುಷರು)

1.ಮೇಘಾಲಯ ಶೇ. 42.1

2.ಅಸ್ಸಾಂ ಶೇ.42.3

3.ಬಿಹಾರ ಶೇ. 43.6

4.ತ್ರಿಪುರಾ ಶೆ. 45.7

5 ಅಂಡಮಾನ್‌ ನಿಕೋಬಾರ್‌ ಶೆ. 46.5

 

 ಅತೀ ಹೆಚ್ಚು ಅಂತರ್ಜಾಲ ಬಳಕೆ ಮಾಡುವ 5 ರಾಜ್ಯಗಳು (ಪುರುಷರು)

1.ಗೋವಾ ಶೇ. 82.9

2.ಲಕ್ಷದ್ವೀಪ ಶೇ. 80.3

3.ಮಿಜೊರಾಂ ಶೇ. 79.7

4.ಸಿಕ್ಕಿಂ ಶೇ. 78.2

5.ಕೇರಳ ಶೇ.76.1