ಮಾಗಡಿ: ಅರಣ್ಯ ಇಲಾಖೆ ಬೋನಿಗೆ ಬಿದ್ದ ನಾಲ್ಕು ಚಿರತೆಗಳು

ರಾಮನಗರ: ಎರಡು ಪ್ರತ್ಯೇಕ ಘಟನೆಗಳಲ್ಲಿ ಮೂರು ವರ್ಷದ ಮಗು ಮತ್ತು 68 ವರ್ಷದ ವೃದ್ದೆಯ ಮೇಲೆ ಚಿರತೆಗಳು ದಾಳಿ ಮಾಡಿ ಮುಖವನ್ನು ತಿಂದು ಹಾಕಿದ್ದ ಘಟನೆಗಳ ಹಿನ್ನೆಲೆಯಲ್ಲಿ ಅರಣ್ಯ ಇಲಾಖೆ ಇಟ್ಟಿದ್ದ ಬೋನುಗಳಿಗೆ ಇಂದು ನಾಲ್ಕು ಚಿರತೆಗಳು ಸೆರೆ ಸಿಕ್ಕಿವೆ.

ಮಾಗಡಿ ತಾಲೂಕಿನ ಬೋಡ ಗಾನ ಪಾಳ್ಯದಲ್ಲಿ 1, ಸಿಡಗನಹಳ್ಳಿಯಲ್ಲಿ 1 ಮತ್ತು ದಾಸೇಗೌಡ ಪಾಳ್ಯದಲ್ಲಿ ಎರಡು ಚಿರತೆ ಒಟ್ಟು ನಾಲ್ಕು ಚಿರತೆಗಳು ಸೆರೆ ಸಿಕ್ಕಿವೆ.

ಕೊತ್ತಗಾನಹಳ್ಳಿ ಗ್ರಾಮದಲ್ಲಿ ವೃದ್ಧ ಮಹಿಳೆಯನ್ನು ಬಲಿ ತೆಗೆದುಕೊಂಡ ಚಿರತೆಯೋ ಅಥವಾ ಬೇರೆ ಚಿರತೆಗಳೋ ಎಂಬುದು ಸಾರ್ವಜನಿಕರ ಚರ್ಚೆಯಾಗಿದ್ದು ಚಿರತೆಗಳನ್ನು ನೋಡಲು ಸುತ್ತ ಮುತ್ತಲಿನ ನೂರಾರು ಜನರು ಮುಗಿಬಿದ್ದಿದ್ದಾರೆ.