ಗೋವಾದ ಮಾಜಿ ರಣಜಿ ಕ್ರಿಕೇಟ್ ಪಟು ಪ್ರಸಾದ ಅಮೋಣಕರ್ ಇನ್ನಿಲ್ಲ

ಪಣಜಿ: ಗೋವಾದ ಮಾಜಿ ರಣಜಿ ಕ್ರಿಕೇಟ್ ಪಟು ಪ್ರಸಾದ ಅಮೋಣಕರ್(56) ಬುಧವಾರ ಕೋವಿಡ್ ಗೆ ಬಲಿಯಾಗಿದ್ದಾರೆ.

ಗೋವಾ ರಾಜಧಾನಿ ಪಣಜಿಯ ಶಂಕರವಾಡಿಯ ನಿವಾಸಿಯಾಗಿದ್ದ ಅವರು ರಾಜ್ಯಮಟ್ಟದಲ್ಲಿ ಮಡಗಾಂವ ಕ್ರಿಕೇಟ್ ಕ್ಲಬ್ ಮತ್ತು ಚೌಗುಲೆ ಸ್ಪೋಟ್ಸ್  ಕ್ಲಬ್‍ ನ ನೇತೃತ್ವ ವಹಿಸಿದ್ದರು. ಕ್ರಿಕೇಟ್ ಪಟು ಪ್ರಸಾದ ರವರು ಗೋವಾದ ವತಿಯಿಂದ 22 ರಣಜಿ ಕ್ರಿಕೇಟ್ ಸ್ಫರ್ಧೆಯಲ್ಲಿ ಭಾಗವಹಿಸಿದ್ದರು.

1988-89 ರಲ್ಲಿ ಕ್ರಿಕೇಟ್ ಸ್ಫರ್ಧೆಗೆ ಪಾದಾರ್ಪಣೆ ಮಾಡಿದ್ದರು. ಕಳೆದ ಕೆಲ ದಿನಗಳ ಹಿಂದೆ ಪ್ರಸಾದ ರವರಿಗೆ ಕೋವಿಡ್ ಸೊಂಕು ದೃಢಪಟ್ಟ ಹಿನ್ನೆಲೆಯಲ್ಲಿ ಅವರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಅವರು ಪತ್ನಿ,ಪುತ್ರ ಮತ್ತು ಪರಿವಾರವನ್ನು ಅಗಲಿದ್ದಾರೆ.