ಭಾರತದ ಮಾಜಿ ಫುಟ್ಬಾಲಿಗ ಸುರ್ಜೀತ್‌ ಸೇನ್‌ಗುಪ್ತ ನಿಧನ

ಕೋಲ್ಕತಾ: ಭಾರತೀಯ ಫ‌ುಟ್‌ಬಾಲ್‌ನ ಮಾಜಿ ಮಿಡ್‌ ಫೀಲ್ಡರ್‌, ಈಸ್ಟ್‌ ಬೆಂಗಾಲ್‌ ತಂಡದ ಲೆಜೆಂಡ್ರಿ ಆಟಗಾರ ಸುರ್ಜೀತ್‌ ಸೇನ್‌ಗುಪ್ತ (71) ಗುರುವಾರ ಇಲ್ಲಿನ ಆಸ್ಪತ್ರೆಯೊಂದರಲ್ಲಿ ಕೊನೆಯುಸಿರೆಳೆದರು.

ಕೋವಿಡ್‌ ಫ‌ಲಿತಾಂಶ ಪಾಸಿಟಿವ್‌ ಬಂದುದರಿಂದ ಜ. 23ರಂದೇ ಸುರ್ಜೀತ್‌ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಕಳೆದ ವಾರದಿಂದ ವೆಂಟಿಲೇಟರ್‌ನಲ್ಲೇ ಇದ್ದರು.

ಸುರ್ಜೀತ್‌ ಈಸ್ಟ್‌ ಬೆಂಗಾಲ್‌ನ ಸುವರ್ಣ ಯುಗದ ಹರಿಕಾರರಲ್ಲೊಬ್ಬ ರಾಗಿದ್ದರು. 70ರ ದಶಕದಲ್ಲಿ ಸತತ 6 ಸಲ ಈ ತಂಡ “ಕಲ್ಕತ್ತ ಫ‌ುಟ್‌ಬಾಲ್‌ ಲೀಗ್‌’ ಪ್ರಶಸ್ತಿ ಜಯಿಸಿತ್ತು. ಇದು ಈಸ್ಟ್‌ ಬೆಂಗಾಲ್‌ಗೆ ಒಂದೇ ತಿಂಗಳಲ್ಲಿ ಎದುರಾದ ಎರಡನೇ ಆಘಾತವಾಗಿದೆ. ಜನವರಿಯಲ್ಲಿ ಮತ್ತೋರ್ವ ಲೆಜೆಂಡ್ರಿ ಆಟಗಾರ ಸುಭಾಷ್‌ ಭೌಮಿಕ್‌ ನಿಧನ ಹೊಂದಿದ್ದರು. ಸುರ್ಜೀತ್‌ “ಮೋಹನ್‌ ಬಗಾನ್‌’ ಪರ ಎರಡು ಋತುಗಳಲ್ಲಿ ಹಾಗೂ “ಮೊಹಮ್ಮದನ್‌ ನ್ಪೋರ್ಟಿಂಗ್‌’ ಪರ ಒಂದು ವರ್ಷ ಆಡಿದ್ದರು. 1970ರ ಏಶ್ಯನ್‌ ಗೇಮ್ಸ್‌ ಕಂಚಿನ ಪದಕ ವಿಜೇತ ಭಾರತ ತಂಡದ ಸದಸ್ಯರೆಂಬುದು ಸುರ್ಜೀತ್‌ ಸೇನ್‌ಗುಪ್ತ ಪಾಲಿನ ಹೆಗ್ಗಳಿಕೆ.