ಫ‌ುಟ್ಬಾಲಿಗ ನೇಗಿ ಕುಟುಂಬಕ್ಕೆ ಪರಿಹಾರ

ಹೊಸದಿಲ್ಲಿ: ಆಸ್ಟ್ರೇಲಿದದ ಸಮುದ್ರದಲ್ಲಿ ಮುಳುಗಿ ದುರಂತ ಸಾವಿಗೀಡಾಗಿದ್ದ ಭಾರತ ಕಿರಿಯರ ಫ‌ುಟ್‌ಬಾಲ್‌ ತಂಡದ ಆಟಗಾರ ನಿತೀಶ್‌ ನೇಗಿ ಕುಟುಂಬಕ್ಕೆ ಕೇಂದ್ರ ಕ್ರೀಡಾ ಸಚಿವ ರಾಜವರ್ಧನ್‌ ಸಿಂಗ್‌ ರಾಥೋಡ್‌ ಮಾನವೀಯ ನೆಲೆಯಲ್ಲಿ 5 ಲಕ್ಷ ರೂ. ಪರಿಹಾರ ಪ್ರಕಟಿಸಿದ್ದಾರೆ. ಪಂಡಿತ್‌ ದೀನದಯಾಳ್‌ ಉಪಾಧ್ಯಾಯ ರಾಷ್ಟ್ರೀಯ ಕಲ್ಯಾಣ ಯೋಜನೆ ಅಡಿಯಿಂದ ಹಣ ಘೋಷಿಸಲಾಗಿದೆ.

ಕಳೆದ ಸೆಪ್ಟೆಂಬರ್‌ನಲ್ಲಿ ನಿತೀಶ್‌ ಪೆಸಿಫಿಕ್‌ ಸ್ಕೂಲ್‌ ಗೇಮ್ಸ್‌ನಲ್ಲಿ ಪಾಲ್ಗೊಳ್ಳಲು ಆಸ್ಟ್ರೇಲಿಯಕ್ಕೆ ತೆರಳಿದ್ದರು. ಈ ವೇಳೆ 15 ವರ್ಷದ ನಿತೀಶ್‌ ಸ್ನೇಹಿತರೊಂದಿಗೆ ಸೇರಿಕೊಂಡು ಈಜಲು ಸಮುದ್ರಕ್ಕೆ ಇಳಿದಾಗ ದುರಂತ ಸಂಭವಿಸಿತ್ತು.