Advertisement
ಅವರು ಉತ್ತರ ಕರ್ನಾಟಕ ಲೇಖಕಿಯರ ಸಂಘದಿಂದ ಹಮ್ಮಿಕೊಂಡಿದ್ದ ಅನನ್ಯ ಮಹಿಳೆಯೊಂದಿಗೆ ಸಂವಾದ ಕಾರ್ಯಕ್ರಮದಲ್ಲಿ ತಿಂಗಳ ಅತಿಥಿಯಾಗಿ ಪಾಲ್ಗೊಂಡು ಮಾತನಾಡಿದರು. 50ರ ದಶಕದಲ್ಲಿ ಕನ್ನಡ ರಂಗಭೂಮಿಯಲ್ಲಿ ಪ್ರಾಮಾಣಿಕತೆ, ವಿಶ್ವಾಸ, ಉತ್ತಮ ನಟನೆ, ಪ್ರೇಕ್ಷಕನನ್ನ ಪೂಜ್ಯಭಾವದಿಂದ ನೋಡುವುದು ಸೇರಿದಂತೆ ಅನೇಕ ಉತ್ತಮ ಆದರ್ಶಗಳಿದ್ದವು. ಹೀಗಾಗಿ ಜನರು ರಂಗಭೂಮಿಯನ್ನ ಇಷ್ಟ ಪಡುತ್ತಿದ್ದರು.
Related Articles
Advertisement
ಬಸವಣ್ಣನಿಗೆ ನಮಸ್ಕಾರ: ತಮ್ಮ ರಂಗಭೂಮಿ ನೆನಪುಗಳನ್ನು ಹಂಚಿಕೊಂಡ ಅವರು, ಮುಂಬೈನಲ್ಲಿ ಪೃಥ್ವಿರಾಜ್‌ಕಪೂರ ಅವರ “ಪೈಸೇ ಹೀ ಪೈಸೆ’ ನಾಟಕ ನೋಡಿ ಬಂದು ಇಲ್ಲಿ ನಾವು ಜಗಜ್ಯೋತಿ ಬಸವೇಶ್ವರ ನಾಟಕವನ್ನು ಆರಂಭ ಮಾಡಿದೇವು. ಈ ನಾಟಕದಿಂದ ಬಂದ ಹಣದಲ್ಲಿ ಸ್ವಲ್ಪ ಭಾಗವನ್ನು ಬಸವಣ್ಣನ ಜನ್ಮಭೂಮಿ ಬಸವ ಕಲ್ಯಾಣದ ಅಭಿವೃದ್ಧಿಗೆ ಕಳುಹಿಸಿ ಕೊಡುತ್ತಿದ್ದೇವು.
ನಾಟಕ ಮುಗಿದ ಮೇಲೆ ನಾಡೋಜ ಏಣಗಿ ಬಾಳಪ್ಪ ಮತ್ತು ನನ್ನ ಕಾಲಿಗೆ ಜನರು ನಮಸ್ಕರಿಸುತ್ತಿದ್ದರು. ನಾವು ಬೇಡ ಎಂದರೂ ಕೇಳುತ್ತಿರಲಿಲ್ಲ. ಕನ್ನಡದ ಜನರು ತೋರಿದ ಪ್ರೀತಿ, ಅಭಿಮಾನ ಎಂದಿಗೂ ಮರೆಯಲಾರದ್ದು ಎಂದು ಹೇಳಿದರು. ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಉತ್ತರ ಕರ್ನಾಟಕ ಲೇಖಕಿಯರ ಸಂಘದ ಅಧ್ಯಕ್ಷೆ ಡಾ| ಹೇಮಾ ಪಟ್ಟಣಶೆಟ್ಟಿ,
ಲಕ್ಷ್ಮೀಬಾಯಿ ಏಣಗಿ ಅಂತಹ ಕಲಾವಿದೆಯರು ಒಬ್ಬ ಮಹಿಳೆಯಾಗಿ ಸಮಾಜದ ಎಲ್ಲಾ ಶೋಷಣೆಗಳನ್ನು ತಾಳ್ಮೆಯಿಂದ ಎದುರಿಸಿ ಜೀವನದಲ್ಲಿ ಯಶಸ್ಸು ಕಂಡಿದ್ದಾರೆ. ಸರ್ಕಾರಗಳು ಅವರಿಗೆ ನೀಡಬೇಕಾದ ಆದ್ಯತೆ ಇನ್ನೂ ನೀಡದಿರುವುದು ವಿಷಾದನೀಯ ಎಂದು ಹೇಳಿದರು. ಲಲಿತಾ ಪಾಟೀಲ ವಚನ ಪ್ರಾರ್ಥನೆ ಸಲ್ಲಿಸಿದರು. ಸಂಸ್ಕೃತಿ ಬೋಸ್ಲೆ ಸ್ವಾಗತಿಸಿದರು. ಸುಜಾತಾ ಹಡಗಲಿ ಸೇರಿದಂತೆ ಗಣ್ಯರು ಕಾರ್ಯಕ್ರಮದಲ್ಲಿ ಇದ್ದರು.