ಇ-ಕಾಮರ್ಸ್‌ ನೀತಿಗೆ ಪಟ್ಟು

ಹೊಸದಿಲ್ಲಿ: ಫ್ಲಿಪ್‌ ಕಾರ್ಟ್‌, ಅಮೆಜಾನ್‌ನಂತಹ ಇ- ವಹಿವಾಟು ಕಂಪನಿಗಳನ್ನು ನಿಯಂತ್ರಿಸಲು ಕಠಿಣ ಇ-ಕಾಮರ್ಸ್‌ ನೀತಿಯೊಂದನ್ನು ಜಾರಿಗೊಳಿಸಬೇಕೆಂದು ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ (ಆರ್‌ಎಸ್‌ಎಸ್‌) ಸಹಯೋಗಿ ಸಂಸ್ಥೆಯಾದ ಸ್ವದೇಶಿ ಜಾಗರಣ ಮಂಚ್‌ (ಎಸ್‌ಜಿಎಂ) ಕೇಂದ್ರ ಸರ್ಕಾರವನ್ನು ಆಗ್ರಹಿಸಿದೆ. ಇ-ಕಾಮರ್ಸ್‌ ಕಂಪನಿಗಳ ಹಾವಳಿಯಿಂದಾಗಿ, ಮಧ್ಯಮ ಕೈಗಾರಿಕೆಗಳು ಸೇರಿದಂತೆ ಸುಮಾರು 13 ಕೋಟಿಯಷ್ಟು ಸಣ್ಣ ಪುಟ್ಟ ವ್ಯಾಪಾರಿಗಳು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಹಾಗಾಗಿ, ಇವುಗಳನ್ನು ನಿಯಂತ್ರಿಸಲು ಕಠಿಣವಾದ ಇ-ಕಾಮರ್ಸ್‌ ನೀತಿಯೊಂದು ಜಾರಿಯಾಗಬೇಕಿದೆ ಎಂದು ಎಸ್‌ಜಿಎಂನ ಮಧುರೈ ಶಾಖೆಯ ಆರ್ಥಿಕ ವಿಭಾಗ ತಿಳಿಸಿದೆ.