ಹೊಸದಿಲ್ಲಿ: ದೇಶದ ಅತೀದೊಡ್ಡ ಏರ್‌ಲೈನ್ಸ್‌ “ಇಂಡಿಗೋ’ ಇದೇ ವರ್ಷ ಆಫ್ರಿಕಾ ಮತ್ತು ಸೆಂಟ್ರಲ್‌ ಏಷ್ಯಾದ ಆರು ಸ್ಥಳಗಳಿಗೆ ನೇರ ವಿಮಾನಗಳನ್ನು ಆರಂಭಿಸುತ್ತಿದೆ. ಜುಲೈ ಕೊನೆಯ ವಾರದಲ್ಲಿ ಅಥವಾ ಆಗಸ್ಟ್‌ ಮೊದಲನೇ ವಾರದಲ್ಲಿ ಮುಂಬಯಿಯಿಂದ ಕೀನ್ಯಾದ ನೈರೋಬಿ ಮತ್ತು ಇಂಡೋನೇಷ್ಯಾದ ಜಕಾರ್ತಾಗೆ ನೇರ ವಿಮಾನಗಳನ್ನು ಆರಂಭಿಸಲಾಗುವುದು. ಅದೇ ರೀತಿ ಆಗಸ್ಟ್‌ನಲ್ಲಿ ದಿಲ್ಲಿ ವಿಮಾನ ನಿಲ್ದಾಣದಿಂದ ಜಾರ್ಜಿಯಾದ ಟಿಬಿಲಿಸಿ ಮತ್ತು ಬಾಕು ಹಾಗೂ ಸೆಪ್ಟಂಬರ್‌ನಲ್ಲಿ ಉಜ್ಬೆಕಿಸ್ಥಾನದ ತಾಷೆRಂಟ್‌ ಮತ್ತು ಕಜಕಿಸ್ಥಾನದ ಅಲ್ಮಾಟಿಗೆ ನೇರ ವಿಮಾನ ಸಂಚಾರ ಆರಂಭಿಸಲಾಗುತ್ತಿದೆ ಎಂದು ಇಂಡಿಗೋ ಏರ್‌ಲೈನ್ಸ್‌ ಮಾಹಿತಿ ನೀಡಿದೆ. “ಪ್ರಸ್ತುತ 26 ಅಂತಾರಾಷ್ಟ್ರೀಯ ಮಾರ್ಗಗಳಲ್ಲಿ ನಮ್ಮ ಸೇವೆ ಇದ್ದು, ಸೆಪ್ಟಂಬರ್‌ನಲ್ಲಿ ಒಟ್ಟು 32 ಅಂತಾರಾಷ್ಟ್ರೀಯ ಮಾರ್ಗಗಳಿಗೆ ಸೇವೆ ವಿಸ್ತರಣೆಯಾಲಿದೆ’ ಎಂದು ಇಂಡಿಗೋ ಏರ್‌ಲೈನ್ಸ್‌ ತಿಳಿಸಿದೆ.
